బాలీవుడ్ హీరో సుశాంత్ రాజ్పుత్ మృతిపై సీబీఐ విచారణ అవసరం లేదని మహారాష్ట్ర హోం మంత్రి అనిల్ దేశ్ముఖ్ తెలిపారు. ఈ కేసును ముంబయి పోలీసులు పరిష్కరిస్తారని స్పష్టం చేశారు. జూన్ 14న ముంబయిలోని తన నివాసంలో ఆత్మహత్య చేసుకున్నాడు సుశాంత్. మానసిక ఒత్తిడి కారణంగానే ఈ నటుడు చనిపోయినట్లు పోలీసుల ప్రాథమిక విచారణలో తేలింది.
ఈ క్రమంలోనే రాజ్పుత్ చనిపోవడానికి ఎటువంటి ఒత్తిళ్లు కారణమో తెలియాలంటే సీబీఐ దర్యాప్తు చేయాలని అతని ప్రేయసి, నటి రియా చక్రవర్తి ట్విట్టర్ వేదికగా డిమాండ్ చేసింది. ప్రభుత్వం మీద పూర్తి నమ్మకం ఉందని సీబీఐతోనే సుశాంత్ మృతికి న్యాయం జరుగుతుందని భావిస్తున్నట్లు తెలిపింది.
ఇదీ చదవండి:'సుశాంత్ మృతిపై సీబీఐ విచారణ జరిపించాలి'
అయితే, ఈ కేసును ముంబయి పోలీసులు క్షుణ్నంగా పరిశీలిస్తున్నారని దేశ్ముఖ్ వెల్లడించారు. ఇప్పటికే కుటుంబ సభ్యులు, సన్నిహితులు, సినీ ప్రముఖులు సహా 35 మందిని విచారించారు పోలీసులు. ఇటీవలే ప్రముఖ దర్శకుడు సంజయ్లీలా భన్సాలీ వాంగ్మూలాన్ని కూడా తీసుకున్నారు. సుశాంత్ మరణానికి వ్యాపార శత్రుత్వం ఏమైనా కారణమా అనే కోణంలోనూ పోలీసులు విచారిస్తున్నారు.
