*నయనతార కొత్త సినిమా 'నేత్రికన్' విడుదలకు సిద్ధమైంది. డిస్నీ ప్లస్ హాట్స్టార్లో త్వరలో రిలీజ్ కానున్నట్లు చిత్రబృందం వెల్లడించింది. విఘ్నేష్ శివన్ సమర్పిస్తుండగా, మిలింద్ రావ్ దర్శకత్వం వహిస్తున్నారు. ఇందులో నయనతార అంధురాలి పాత్ర పోషించింది.
*కార్తికేయ హీరోగా నటిస్తున్న కొత్త చిత్రం 'రాజా విక్రమార్క'. బక్రీద్ సందర్భంగా కొత్తలుక్ను సోషల్ మీడియాలో పోస్ట్ చేశారు. కార్తికేయ ఇందులో ఎన్ఐఏ అధికారిగా కనిపించనున్నారు. తాన్య రవిచంద్రన్ హీరోయిన్. ప్రశాంత్ విహారి సంగీతమందిస్తున్నారు. శ్రీ సరిపల్లి దర్శకత్వం వహిస్తున్నారు.
*ఎమ్ఎస్ రాజు దర్శకత్వం వహిస్తున్న కొత్త సినిమా '7 డేస్ 6 నైట్స్'. బక్రీద్ శుభాకాంక్షలు చెబుతూ, ఫస్ట్లుక్ను గురువారం ఉదయం 11:11 గంటలకు విడుదల చేయనున్నట్లు ప్రకటించారు.
*వరుణ్ సందేశ్కు పుట్టినరోజు శుభాకాంక్షలు చెప్పిన 'ఇందువదన' టీమ్.. కొత్త పోస్టర్ను షేర్ చేసింది. రెట్రో లుక్తో కనిపిస్తూ, వరుణ్ ఆకట్టుకుంటున్నారు. త్వరలో ఈ సినిమా ప్రేక్షకుల ముందుకు రానుంది.
*అరుణ్ అదిత్, మేఘా ఆకాశ్ హీరోహీరోయిన్లుగా నటిస్తున్న చిత్రం 'డియర్ మేఘ'. ఇప్పటికే విడుదలైన పోస్టర్లు.. సినిమాపై ఆసక్తిని పెంచుతున్నాయి. దానిని మరికాస్త పెంచేందుకు టీజర్ను గురువారం(జులై 22) ఉదయం 10 గంటలకు రిలీజ్ చేయనున్నట్లు వెల్లడించారు.
*జగపతిబాబు.. 'హీరో' సినిమాలో తన పాత్రకు డబ్బింగ్ పూర్తి చేశారు. అశోక్ గల్లా ఈ సినిమాతో హీరోగా పరిచయమవుతున్నారు. నిధి అగర్వాల్ హీరోయిన్గా నటిస్తోంది. శ్రీరామ్ ఆదిత్య దర్శకత్వం వహిస్తుండగా, అమర్రాజా ఎంటర్టైన్మెంట్స్ సంస్థ నిర్మిస్తోంది.
