నాని 'గ్యాంగ్‌లీడర్‌' షూటింగ్ పూర్తయింది. ప్రస్తుతం మోహనకృష్ణ ఇంద్రగంటి దర్శకత్వంలో 'వి' షూటింగ్లో బిజీగా ఉన్నాడు. ఈ సినిమా తర్వాత నాని, రాహుల్ రవీంద్రన్ కాంబినేషన్లో ఓ మూవీ రాబోతుందని సమాచారం.
హీరో నుంచి దర్శకుడిగా మారిన రాహుల్ రవీంద్రన్ తొలి సినిమా 'చి.ల.సౌ'కు స్క్రీన్‌ప్లే విభాగంలో జాతీయ అవార్డు అందుకున్నాడు. ఇటీవలే నాగార్జునతో 'మన్మథుడు 2' తెరకెక్కించాడు. ప్రస్తుతం రాహుల్-నాని కాంబినేషన్లో ఓ సినిమాకు సంబంధించిన చర్చలు జరుగుతున్నాయని తెలుస్తోంది.
ఈ చిత్రం సితార ఎంటర్టైన్మెంట్ పతాకంపై తెరకెక్కనుందట. నాని నటించిన 'జెర్సీ' సినిమా ఈ నిర్మాణ సంస్థ నుంచే వచ్చింది.
ఇవీ చూడండి.. 'గీత గోవిందం' దర్శకుడితో అఖిల్..!
