>మెగాహీరో సాయితేజ్ 'సోలో బ్రతుకే సో బెటర్' నుంచి 'టీజర్ ఆఫ్ శ్లోకాస్' విడుదలైంది. సింగిల్స్ కోసం తాను తయారు చేసిన 108 శ్లోకాల పుస్తకం గురించి చెబుతూ కథానాయకుడు కనిపించారు. ఇందులో నభా నటేష్ హీరోయిన్. సుబ్బు దర్శకుడిగా పరిచయమవుతున్నారు. ఈనెల 25న థియేటర్లలో సినిమా విడుదల కానుంది.
>రవితేజ-శ్రుతిహాసన్ 'క్రాక్' సినిమాలోని 'భలే తగిలావే బాలా' లిరికల్ వీడియో విడుదలైంది. తమన్ సంగీత సారథ్యంలో అనిరుధ్ పాడాడు. గోపీచంద్ మలినేని దర్శకత్వం వహించారు. సంక్రాంతి కానుకగా చిత్రం థియేటర్లలోకి రానుంది.
>మక్కల్ సెల్వన్ విజయ్ సేతుపతి 'కాత్తువక్కుల రెండు కాదల్' చిత్ర షూటింగ్లో పాల్గొన్నారు. ఈ మేరకు వీడియోను ట్వీట్ చేశారు. ఇందులో నయనతార, సమంత హీరోయిన్లు. విఘ్నేశ్ శివన్ దర్శకుడు.
>అక్షయ్ కుమార్ 'బచ్చన్ పాండే'లోని కీలకపాత్ర కోసం 'మీర్జాపుర్' ఫేమ్ పంకజ్ త్రిపాఠిని ఎంపిక చేశారు. జాక్వెలిన్, కృతిసనన్ ఈ సినిమాలో కథానాయికలు. ఫరాద్ సమ్జీ దర్శకుడు. జనవరి నుంచి జైసల్మేర్లో షూటింగ్ ప్రారంభించనున్నారు.
