ప్రపంచంలోనే అతిపెద్ద ఐటీ కుంభకోణం నేపథ్యంలో ఆధారంగా తీసిన చిత్రం 'మోసగాళ్లు'. మంచు విష్ణు, కాజల్‌ ప్రధాన పాత్రలు పోషించారు. శనివారం ఈ సినిమా టీజర్‌ను, అల్లు అర్జున్ విడుదల చేశారు.
450 మిలియన్‌ డాలర్ల స్కామ్‌కు పాల్పడిన వాళ్లను కనిపెట్టి త్వరలోనే పట్టుకుంటామని.. అందుకోసం అవసరమైన చర్యలు తీసుకునేందుకు తాను సిద్ధంగా ఉన్నానని అమెరికా అధ్యక్షుడు ట్రంప్‌ ప్రసంగంతో ప్రారంభమైన టీజర్ ఆసక్తి రేపుతోంది.
ఇందులో విష్ణు, కాజల్‌ మోసగాళ్లుగా కనిపించనున్నట్లు తెలుస్తోంది. టీజర్‌లోని ఓ సన్నివేశంలో డబ్బు కట్టలు చూపిస్తూ.. ఇది సరిపోతుందిగా అని కాజల్‌ అడగ్గా... 'ఆట ఇప్పుడే మొదలైంది' అంటూ విష్ణు చెప్పే డైలాగ్‌ ఆకట్టుకుంటోంది.
- " class="align-text-top noRightClick twitterSection" data="">
జెఫ్రీ గీ చిన్‌ దర్శకత్వం వహిస్తున్న ఈ చిత్రాన్ని పాన్‌ ఇండియన్‌ స్థాయిలో రూపొందించారు. తెలుగు, తమిళ, మలయాళం, కన్నడ, హిందీ భాషల్లో విడుదల చేయనున్నారు. బాలీవుడ్‌ నటుడు సునీల్‌ శెట్టి పోలీస్‌ అధికారిగా కనిపించనున్నారు. నవదీప్‌ కీలక పాత్రలో నటించారు.
