'సైరా' ప్రచారంలో బిజీగా ఉన్నాడు మెగాస్టార్ చిరంజీవి. అనంతరం దర్శకుడు కొరటాల శివతో కలిసి పనిచేయనున్నాడు. ఆ తర్వాత చేయబోయే సినిమాపై స్పష్టత ఇచ్చాడు మెగాస్టార్. వినోదాత్మక కుటుంబ కథలో నటించనున్నట్లు చెప్పాడు. ఈ చిత్రాన్ని మాటల మాంత్రికుడు త్రివిక్రమ్ తెరకెక్కిస్తాడని తెలిపాడు.
ఇటీవల ఓ ఇంటర్వ్యూలో మాట్లాడిన చిరంజీవి.."త్రివిక్రమ్ దర్శకత్వంలో చేయబోయే సినిమా పూర్తి కుటుంబ కథా చిత్రమని, ప్రస్తుతం స్క్రిప్ట్ వర్క్ జరుగుతోందని" చెప్పాడు
ప్రస్తుతం 'అల.. వైకుంఠపురములో' సినిమాతో త్రివిక్రమ్ బిజీగా ఉండగా.. కొరటాల చిత్రంతో వచ్చే ఏడాదంతా బిజీగా గడపనున్నాడు చిరంజీవి. కాబట్టి ఈ ప్రాజెక్టు పట్టాలెక్కాలంటే కాస్త ఎక్కువ సమయం పట్టే అవకాశాలు కనిపిస్తున్నాయి. మరి ఈలోపు మాటల మాంత్రికుడు మరో సినిమా చేసుకుంటాడా? చిరు కోసం ఎదురు చూస్తాడా? అన్నది తెలియాల్సి ఉంది.
ఇది చదవండి: వీడియో: ఉయ్యాలవాడ నరసింహుడా.. ఓ సైరా
