కరోనా రెండో దశ కారణంగా థియేటర్లు మూతపడటం వల్ల సినిమాల రిలీజ్లతో పాటు చిత్రీకరణలు ఆగిపోయాయి. ఇటీవలే మళ్లీ థియేటర్లు తెరచుకోవడం, షూటింగ్లకు గ్రీన్ సిగ్నల్ లభించడం వల్ల సినీ పరిశ్రమ షూటింగ్లతో బిజీగా మారింది. అలాగే దర్శకనిర్మాతలు రిలీజ్ డేట్స్తో సందడి చేస్తున్నారు.
దసరాకు నిరాశే
ప్రస్తుతం అక్టోబర్లో కరోనా మూడో దశ అంటూ వార్తలు వస్తున్న నేపథ్యంలో దసరా సీజన్కు సినిమాల్ని విడుదల చేసేందుకు ఎవరూ ముందుకు రావడం లేదు. అందరూ డిసెంబర్లో క్రిస్మస్, జనవరిలో సంక్రాంతి సీజన్పైనే గురిపెడుతున్నారు. ఈ నేపథ్యంలో ఇప్పటికే సంక్రాంతికి అగ్రహీరోల సినిమాలు ప్రకటించగా పోరు రసవత్తరంగా మారింది. ప్రస్తుతం క్రిస్మస్ పోటీ కూడా వేడెక్కుతోంది. టాలీవుడ్, బాలీవుడ్తో పాటు హాలీవుడ్ కూడా ఈ సీజన్పైనే ఎక్కువగా దృష్టిపెట్టింది. ఇప్పటికే ఈ సీజన్లో నాలుగు చిత్రాలు రిలీజ్ డేట్స్ ఖరారు చేసుకున్నాయి.
పుష్ప
అల్లు అర్జున్ హీరోగా సుకుమార్ దర్శకత్వంలో రూపొందుతున్న చిత్రం 'పుష్ప'. పాన్ ఇండియా మూవీగా ఐదు భాషల్లో రిలీజ్ కానుంది. ఇప్పటికే విడుదలైన ఈ సినిమాలోని పాట రికార్డులు సృష్టిస్తూ మూవీపై మరిన్ని అంచనాలు పెంచింది. ఈ క్రమంలోనే ఈ సినిమా రిలీజ్ను ఖరారు చేసింది చిత్రబృందం. క్రిస్మస్ కానుకగా విడుదల చేయబోతున్నట్లు ప్రకటించింది. అయితే తేదీని మాత్రం వెల్లడించలేదు. ఈ సినిమాతో పాటు మరికొన్ని టాలీవుడ్ చిత్రాలూ.. ఈ సీజన్పై కన్నేశాయి.
- " class="align-text-top noRightClick twitterSection" data="">
లాల్ సింగ్ చద్ధా
ఆమీర్ ఖాన్ హీరోగా రూపొందుతున్న బాలీవుడ్ చిత్రం 'లాల్ సింగ్ చద్ధా'. టాలీవుడ్ యువ హీరో నాగచైతన్య ఈ సినిమాతోనే బాలీవుడ్ ఎంట్రీ ఇవ్వబోతున్నాడు. దీంతో ఈ చిత్రం కోసం తెలుగు ప్రేక్షకులూ ఎదురుచూస్తున్నారు. ఈ మూవీని కూడా క్రిస్మన్ బరిలో ఉంచుతున్నట్లు ఇప్పటికే ప్రకటించింది చిత్రబృందం.
స్పైడర్ మ్యాన్
-
What just happened? Watch the official teaser trailer for #SpiderManNoWayHome, exclusively in movie theaters December 17: https://t.co/KrMme3t6th @SpiderManMovie pic.twitter.com/amgSTuPCxO
— Spider-Man (@SpiderMan) August 24, 2021 " class="align-text-top noRightClick twitterSection" data="
">What just happened? Watch the official teaser trailer for #SpiderManNoWayHome, exclusively in movie theaters December 17: https://t.co/KrMme3t6th @SpiderManMovie pic.twitter.com/amgSTuPCxO
— Spider-Man (@SpiderMan) August 24, 2021What just happened? Watch the official teaser trailer for #SpiderManNoWayHome, exclusively in movie theaters December 17: https://t.co/KrMme3t6th @SpiderManMovie pic.twitter.com/amgSTuPCxO
— Spider-Man (@SpiderMan) August 24, 2021
హాలీవుడ్ మూవీ 'స్పైడర్ మ్యాన్: నో వే హోమ్'కు సంబంధించి నేడు విడుదల తేదీని ప్రకటించారు. ఇండియాలో డిసెంబర్ 17న ఈ సినిమాను రిలీజ్ చేయనున్నట్లు చిత్రబృందం వెల్లడించింది. క్రిస్మస్ పండగను దృష్టిలో ఉంచుకుని ఈ చిత్రాన్ని ప్రేక్షకుల ముందుకు తీసుకురానున్నారు. టామ్ హోలండ్ టైటిల్ రోల్లో నటిస్తున్నాడు. అతడి సరసన జెందాయా స్క్రీన్ పంచుకోనుంది. కెవిన్ ఫీగె, అమీ పాస్కల్ సంయుక్తంగా ఈ సినిమాను నిర్మిస్తున్నారు. జాన్ వాట్స్ దర్శకత్వం వహిస్తున్నారు. మైకేల్ జియాచినో సంగీతం అందిస్తున్నారు.
తడప్
'ఆర్ఎక్స్ 100' బాలీవుడ్ రీమేక్గా తెరకెక్కుతోన్న సినిమా 'తడప్'. ఈ చిత్రంలో సునీల్ శెట్టి తనయుడు అహన్ శెట్టి హీరోగా పరిచయమవుతున్నాడు. అతడి సరసన తారా సుతారియా హీరోయిన్గా నటించనుంది. మిలన్ లుథ్రియా దర్శకత్వంలో వస్తున్న ఈ మూవీని డిసెంబర్ 3న రిలీజ్ చేయనున్నారు.
ఇవేకాక మరికొన్ని సినిమాలూ ఈ సీజన్పై కన్నేశాయి. దీంతో రిలీజ్ డేట్లు ఎలా ఉన్నా.. థియేటర్లు దొరికే పరిస్థితి మాత్రం కష్టంగానే మారింది.
