మాస్ మాహారాజ్ రవితేజ కొత్త చిత్రం 'క్రాక్'. గురువారం.. హైదరాబాద్లో ఈ సినిమా లాంఛనంగా ప్రారంభమైంది. రెండేళ్ల విరామం తర్వాత తెలుగులోకి మళ్లీ ఎంట్రీ ఇస్తోంది శ్రుతి హాసన్. గోపీచంద్ మలినేని దర్శకత్వం వహిస్తున్నాడు.
అల్లు అరవింద్ ముహూర్తపు సన్నివేశానికి క్లాప్ కొట్టగా.. పరుచూరి వెంకటేశ్వరరావు కెమెరా స్విచ్ ఆన్ చేశారు. సురేందర్ రెడ్డి, దిల్ రాజు స్క్రిప్టును అందించారు. కె.రాఘవేంద్రరావు తొలి షాట్కు గౌరవ దర్శకత్వం వహించారు.
'క్రాక్'కు తమన్ సంగీతం అందిస్తున్నాడు. సాయి మాధవ్ బుర్రా డైలాగ్లు రాస్తున్నాడు. బి.మధు నిర్మాత. వచ్చే వేసవిలో ప్రేక్షకుల ముందుకు రానుందీ సినిమా.
రవితేజ, శ్రుతి హాసన్ కాంబినేషన్లో ఇంతకు ముందు 'బలుపు' సినిమా వచ్చింది. ఘనవిజయం సాధించింది. ఈ చిత్రానికీ గోపీచంద్ మలినేనియే దర్శకత్వం వహించాడు.
