Malli Modalaindi OTT: దేశంలో కరోనా మూడోదశ విజృంభణ కొనసాగుతోంది. దీంతో అన్నిరంగాలు ప్రభావితమవుతున్నాయి. ప్రత్యామ్నాయాలు వెతుక్కుంటున్నాయి. సినిమాలు మళ్లీ ఓటీటీ బాట పడుతున్నాయి. ఇప్పుడు సుమంత్ అక్కినేని హీరోగా టీజీ కీర్తి కుమార్ దర్శకత్వంలో తెరకెక్కిన సరికొత్త ఫ్యామిలీ ఎంటర్‌టైనర్‌ 'మళ్ళీ మొదలైంది' నేరుగా ఓటీటీలో విడుదల కానున్నట్లు తెలుస్తోంది. ఈ సినిమాను 'జీ5' ఓటీటీలో ఎక్స్క్లూజివ్గా రిలీజ్ చేయనున్నట్లు సమాచారం. ఈ మేరకు ఓటీటీ రైట్స్ను చేజిక్కించుకున్నట్లు సమాచారం. జీ5 కూడా దీనికి సంబంధించిన క్లూ ఇచ్చింది. ఫిబ్రవరిలో సినిమాను ఓటీటీలో రిలీజ్ చేయడానికి సన్నాహాలు చేస్తున్నారు.
విడాకులు తీసుకున్న ఓ యువకుడు తన న్యాయవాదితో ప్రేమలో పడితే..? అనే కథాంశంతో రూపొందిన చిత్రం 'మళ్ళీ మొదలైంది'. ఈ సినిమాలో సుమంత్‌కు జోడీగా నైనా గంగూలీ కనిపించనుంది. ఇందులో సుమంత్ భార్యగా వర్షిణి సౌందర్ రాజన్ నటించింది. ఈడీ ఎంటర్టైన్మెంట్ బ్యానర్పై రాజశేఖర్ రెడ్డి నిర్మించిన ఈ చిత్రానికి అనూప్ రూబెన్స్ సంగీతం అందించాడు. ఇప్పటికే విడుదలైన ఫస్ట్లుక్ క్యారెక్టర్ పోస్టర్లు, టీజర్, ట్రైలర్ ప్రేక్షకులను ఆకట్టుకున్నాయి.
- " class="align-text-top noRightClick twitterSection" data="">
ఇదీ చూడండి: 'మనీహైస్ట్' తరహా వెబ్సిరీస్.. తెలుగులో!
