Mahesh Babu Mohan Babu: సూపర్స్టార్ మహేశ్ బాబుతో కలిసి నటించనున్నారట సీనియర్ నటుడు మంచు మోహన్ బాబు. ప్రస్తుతం సామాజిక మాధ్యమాల్లో ఈ విషయం తెగ చక్కర్లు కొడుతోంది. త్రివిక్రమ్ దర్శకత్వంలో రానున్న ఈ సినిమాలో మహేశ్ మావయ్యగా మోహన్బాబు కనిపించనున్నారని సమాచారం.
ఇదే నిజమైతే దాదాపు 33 ఏళ్ల తర్వాత మోహన్బాబుతో కలిసి మహేశ్ నటించినట్లు అవుతుంది. 1989లో స్వీయ నిర్మాణంలో సూపర్స్టార్ కృష్ణ నటించి, దర్శకత్వ వహించిన 'కొడుకు దిద్దిన కాపురం' సినిమాలో వీరు చివరిసారిగా కలిసి నటించారు. ఇందులో చైల్డ్ ఆర్టిస్ట్గా తొలిసారి ద్విపాత్రాభినయంతో ఆకట్టుకున్నాడు మహేశ్.
ఇక మహేశ్-త్రివిక్రమ్ కాంబినేషన్లో రానున్న మూడో చిత్రమిది. ఇప్పటికే 'అతడు', 'ఖలేజా' సినిమాలతో ప్రేక్షకులను అలరించిందీ ద్వయం. దీంతో ఈ చిత్రంపై అభిమానుల్లో భారీగా అంచనాలున్నాయి. నాగవంశీ నిర్మిస్తున్న ఈ సినిమాకు తమన్ సంగీతమందించనున్నాడు. పూజా హెగ్డే కథానాయిక.
ఇదీ చూడండి: బాలయ్యతో మహేశ్.. అన్లిమిటెడ్ పంచ్లు!
