సూపర్స్టార్ మహేశ్ నటించిన తాజా చిత్రం మహర్షి. ఈ సినిమా ప్రీ-రిలీజ్ ఈవెంట్ హైదరాబాద్లో ఘనంగా జరిగింది. ఈ కార్యక్రమంలో మహర్షి ట్రైలర్ను విడుదల చేసింది చిత్రబృందం. వంశీపైడిపల్లి దర్శకత్వం వహించిన సినిమాలో పూజాహెగ్డే కథానాయిక. మే 9న ప్రపంచ వ్యాప్తంగా విడుదలకానుందీ చిత్రం.
- " class="align-text-top noRightClick twitterSection" data="">
ప్రచారచిత్రం ఆద్యంతం ఆకట్టుకునేలా ఉంది. 'ఓడిపోతామని భయంతో ఎప్పటికీ గెలవలేం..' అంటూ మహేశ్ చెప్పిన డైలాగులు సినిమాపై ఆసక్తిని రేకెత్తిస్తున్నాయి. 'ప్రపంచాన్ని ఏలేద్దామనుకుంటున్నా సార్, ఇక్కడ ఎవడి బరువు వాడే మోసుకోవాలి' లాంటి పంచ్ డైలాగ్లు ఆకట్టుకుంటున్నాయి.
మహేశ్ నాగలి పట్టుకుని ఉన్న సన్నివేశాన్ని చూపిస్తూ అభిమానులను అలరించింది ప్రచారచిత్రం. అల్లరినరేశ్ కీలకపాత్రలో నటిస్తున్న ఈ సినిమాకు దేవిశ్రీ ప్రసాద్ సంగీతమందిచాడు. ఈ చిత్రాన్ని దిల్రాజు, అశ్వినీదత్, పీవీపీ సంయుక్తంగా నిర్మిస్తున్నారు.
