Koozhangal Movie Oscar: ప్రముఖ కోలీవుడ్ దర్శకుడు విజ్ఞేశ్ శివన్-లేడీ సూపర్స్టార్ నయనతార సంయుక్తంగా నిర్మించిన చిత్రం 'కూళంగల్'. పీఎస్ వినోద్ రాజ్ దర్శకత్వంలో తెరకెక్కిన ఈ చిత్రం ఇటీవల ప్రతిష్ఠాత్మక ఆస్కార్ అవార్డులకు విదేశీ భాషా చిత్రాల కేటగిరిలో భారత్ నుంచి అధికారికంగా ఎంపికైంది. దీనిపై హర్షం వ్యక్తం చేసిన చిత్రబృందానికి ఇప్పుడు నిరాశే మిగిలింది. నిర్వాహకులు బుధవారం ప్రకటించిన టాప్-15 కేటగిరీలో ఈ సినిమా చోటు సంపాదించలేకపోయింది.
కాగా.. భారత్ తరపున 'రైటింగ్ విత్ ఫైర్' అనే డాక్యుమెంటరీ ఈ షార్ట్లిస్ట్కు ఎంపికైంది. ఈ చిత్రాన్ని రింతు థామస్-సుశ్మిత్ ఘోష్ తెరక్కించారు.
భారత్ తరఫున అధికారిక ఎంట్రీ కోసం 14 సినిమాలు పోటీ పడ్డాయి. అందులో హిందీ చిత్రాలు 'షేర్నీ', 'సర్దార్ ఉద్ధమ్'. 'మండేలా'(తమిళం), 'నాయాట్టు'(మలయాళం) పోటీ పడ్డాయి. ఈ చిత్రాలను దాటి మన దేశం తరఫున 'కూళంగల్' ఆస్కార్కు నామినేట్ అవ్వడం విశేషం. వచ్చే ఏడాది మార్చి 27న ఆస్కార్ అవార్డులు ప్రదానం చేయనున్నారు.
ఇదీ చూడండి : 'పుష్ప' టీమ్కు అక్షయ్ కంగ్రాట్స్.. రిలీజ్ డేట్తో దుల్కర్ సల్మాన్
