KGF 2 pre release event Chief guest Prabhas: అభిమానులు ఉత్కంఠతతో ఎదురుచూస్తున్న సినిమాలో 'కేజీఎఫ్ 2' కూడా ఒకటి. కన్నడ రాకింగ్ స్టార్ యశ్ నటించిన ఈ సినిమా వచ్చే నెల 14న దేశవ్యాప్తంగా థియేటర్లలో విడుదల కానుంది. ఈ నేపథ్యంలో ప్రమోషన్స్ను ప్రారంభించింది చిత్రబృందం. ఇందులో భాగంగానే ఇటీవలే 'తుఫాన్' గీతాన్ని విడుదల చేయగా అది రికార్డులు సాధించింది. త్వరలోనే ప్రీ రిలీజ్ ఈవెంట్ను భారీగా నిర్వహించాలని ప్రణాళిక సిద్ధం చేస్తుందట. అన్నీ భాషల్లోనూ ప్రత్యేక ఈవెంట్లను నిర్వహించి అక్కడి స్టార్స్ను చీఫ్ను గెస్ట్గా పిలవాలని యోచిస్తుందట. ఇందులో భాగంగానే తెలుగులోనూ స్పెషల్ ఈవెంట్ను నిర్వహించి ముఖ్య అతిథిగా పాన్ ఇండియా స్టార్ ప్రభాస్ను పిలిచేందుకు సన్నాహాలు చేస్తుందని తెలిసింది. త్వరలోనే దీనిపై స్పష్టత రానుంది.
ప్రస్తుతం ప్రభాస్ చేస్తున్న భారీ సినిమాల్లో 'సలార్' కూడా ఒకటి. దీన్ని కూడా ప్రశాంత్నీల్ దర్శకత్వం వహిస్తున్నారు. అంతకుముందు ఈ సినిమా షూటింగ్ ప్రారంభోత్సవానికి హీరో యశ్ ముఖ్య అతిథిగా వచ్చేసి సందడి చేశారు.
'కేజీఎఫ్'కు సీక్వెల్గా ఈ సినిమా సిద్ధమైంది. ఇందులో బాలీవుడ్‌ నటుడు సంజయ్‌ దత్‌ ప్రతినాయకుడిగా కనిపించనున్నారు. 'అధీరా' పాత్రలో ఆయన ప్రేక్షకుల్ని అలరించనున్నారు. యాక్షన్‌ ఎంటర్‌టైనర్‌గా తెరకెక్కిన ఈ చిత్రంలో బాలీవుడ్‌ నటి రవీనా టాండన్‌, టాలీవుడ్‌ నటుడు రావు రమేష్‌, ప్రకాశ్‌రాజ్‌ కీలకపాత్రలు పోషించారు.
ఇదీ చూడండి: సూపర్ హీరోగా 'ఆర్ఆర్ఆర్' నిర్మాత తనయుడి ఎంట్రీ..
