*స్టార్ నటుడు సంజయ్దత్ పుట్టినరోజు సందర్భంగా 'కేజీఎఫ్ 2'లోని ఆయన కొత్త పోస్టర్ను విడుదల చేశారు. ఇందులో అధీరా అనే భయంకరమైన విలన్గా సంజయ్దత్ కనిపించనున్నారు. యష్ హీరోగా నటిస్తున్న ఈ చిత్రం.. సెప్టెంబరు తొలి వారంలో థియేటర్లలోకి రానుందట.
*నటుడు వేణు.. మళ్లీ తెరపై కనిపించేందుకు సిద్ధమవుతున్నారు. ఎన్టీఆర్ 'దమ్ము'లో చివరగా కనిపించిన ఆయన.. ఇప్పుడు రవితేజ 'రామారావు' సినిమాలో కీలక పాత్ర పోషించనున్నారు. ఈ మేరకు చిత్రబృందం గురువారం ప్రకటించింది. శరత్ మండవ దర్శకత్వం వహిస్తున్న ఈ సినిమాలో రవితేజ ప్రభుత్వ అధికారిగా నటిస్తున్నారు. ప్రస్తుతం షూటింగ్ జరుగుతోంది.
*శర్వానంద్, సిద్ధార్థ్ మల్టీస్టారర్ సినిమా 'మహాసముద్రం'. ఇప్పటికే షూటింగ్ పూర్తవగా, త్వరలో అప్డేట్స్ వరుసగా రానున్నాయని ప్రకటించారు. మోషన్ పోస్టర్ను గురువారం విడుదల చేశారు. 'ఆర్ఎక్స్ 100' ఫేమ్ అజయ్ భూపతి దర్శకుడు. అదితీరావ్ హైదరీ, అను ఇమ్యాన్యుయేల్ హీరోయిన్లుగా నటించారు.
- " class="align-text-top noRightClick twitterSection" data="">
*తమిళ హిట్ 'తడమ్' రీమేక్గా వచ్చిన 'రెడ్' తెలుగులో అలరించగా, ఇప్పుడు హిందీలోనూ రీమేక్కు రంగం సిద్ధమైంది. ఆదిత్య కపూర్ కథానాయకుడిగా దీనిని రీమేక్ చేయనున్నట్లు ప్రకటించారు. వర్ధన్ కేట్కర్ దర్శకుడిగా పరిచయమవుతున్నారు. సెప్టెంబరు నుంచి చిత్రీకరణ మొదలుపెట్టనున్నారు.
*సిద్ధార్థ్-జీవీ ప్రకాశ్ నటించిన తమిళ డబ్బింగ్ చిత్రం 'ఒరేయ్ బామ్మర్ది' ఆగస్టు 13న విడుదల కానుంది. పృథ్వీరాజ్ హీరోగా నటించిన మలయాళ సినిమా 'కురుతి'.. ఓనం కానుకగా ఆగస్టు 11న అమెజాన్ ప్రైమ్ వీడియోలో రిలీజ్ చేయనున్నట్లు ప్రకటించారు.
ఇవీ చదవండి:
