సన్నీ లియోనీని విచారించిన కేరళ పోలీసులు

ముద్దుగుమ్మ సన్నీ లియోనీ పోలీసు స్టేషన్​కు వెళ్లింది. చీటింగ్ కేసు విషయమై ఆమెను ప్రశ్నించారు. అసలు ఏం జరిగింది?

హాట్ బ్యూటీ సన్నీ లియోనీని కేరళ కోచి పోలీసులు శుక్రవారం రాత్రి విచారించారు. చీటింగ్ కేసు విషయమై ఆమె నుంచి వాంగ్మూలం తీసుకున్నారు. ఓ సినిమా షూటింగ్​లో భాగంగా ప్రస్తుతం సన్నీ కేరళలో ఉంది.

ఇంతకీ ఏం జరిగింది?

కేరళకు చెందిన ఓ ఈవెంట్ సంస్థతో సన్నీ లియోనీ ఒప్పందం కుదుర్చుకుంది. ఇందులో భాగంగా 2016 నుంచి ఆ రాష్ట్రంలో పలు కార్యక్రమాల్లో పాల్గొనాలి. అందుకోసం రూ.29 లక్షలు ఆమెకు ఇచ్చారు. కానీ కొన్నాళ్ల తర్వాత తమ ఈవెంట్లలో సన్నీ పాల్గొనట్లేదని సదరు సంస్థ చీటింగ్ కేసు నమోదు చేసింది. ఈ క్రమంలోనే నటిని ఇప్పుడు పోలీసులు విచారించారు.

ఇది చదవండి: డిగ్రీ అడ్మిషన్​ లిస్ట్​లో టాపర్​గా సన్నీ లియోనీ