యాక్షన్ చిత్రాల కథానాయకుడు గోపీచంద్.. తేజ దర్శకత్వంలో నటించనున్న చిత్రం 'అలిమేలుమంగ వేంకటరమణ'. పీపుల్స్‌ మీడియా ఫ్యాక్టరీ సంస్థ నిర్మిస్తోన్న ఈ సినిమాకు సంబంధించిన స్క్రిప్ట్‌ వర్క్‌ను తేజ పూర్తి చేశారు. తాజాగా గోపీచంద్‌ను కలిసి కథ ఫైనల్‌ వెర్షన్‌ను వినిపించినట్లు సమాచారం. చక్కటి కుటుంబ కథాంశంతో అన్ని రకాల వాణిజ్య హంగులతో పూర్తి వినోదాత్మకంగా కథను సిద్ధం చేసినట్లు తెలుస్తోంది.
అయిుతే ఇందులో కథానాయికగా కీర్తి సురేశ్ను ఎంపిక చేయనున్నట్లు సమాచారం. కీర్తి నటించిన సినిమాలు చూస్తే ఆమె పాత్రల పట్ల ఎంతటి చక్కటి అభినయాన్ని ప్రదర్శిస్తుందో తెలుస్తుంది. కీర్తి ఇప్పటికే మహేశ్ బాబు సరసన 'సర్కారు వారి పాట' చిత్రంలో కథానాయికగా నటిస్తోంది. ఈ మధ్యనే ఓటీటీ ద్వారా విడుదలైన 'పెంగ్విన్‌' చిత్రంలో తన నటనకు ప్రశంసలందుకుంది.
