బాలీవుడ్ నటుడు సుశాంత్ రాజ్పుత్ ఆత్మహత్య కేసులో డ్రగ్స్ కోణంలో దర్యాప్తు జరుపుతోన్న నార్కొటిక్స్ కంట్రోల్ బ్యూరో(ఎన్సీబీ) రియాతో సహా పలువురు సినీ ప్రముఖులను విచారిస్తోంది. ఈ నేపథ్యంలో నటి రియా కొంతమంది నటీమణుల పేర్లు బయట పెట్టిందంటూ ప్రచారం జరిగింది. అందులో సారా అలీఖాన్, రకుల్ ప్రీత్లతో పాటు దీపికా పదుకొణెపై ఆరోపణలు వస్తున్నాయి. దీనిపై నటి కంగనా రనౌత్ ట్విట్టర్లో దీపిక హ్యాష్ట్యాగ్తో వ్యంగంగా స్పందించింది.
"నా తర్వాత ఇలా చేయండి. మానసిక ఒత్తిడి అనేది మాదకద్రవ్యాల వినియోగం తర్వాత పరిణామం. క్లాస్ నటులు అని, మంచి పెంపకం అని చెప్పుకునే ప్రముఖ నటుల పిల్లలు వాళ్ల మేనేజర్ను 'మాల్ ఉందా?' అని అడుగుతారు" అని దీపికా పదుకొణె హ్యాష్ట్యాగ్తో ట్వీట్ చేసింది కంగనా రనౌత్.
జూన్ 14న సుశాంత్సింగ్ రాజ్పుత్ మరణం తర్వాత నటి దీపిక మానసిక ఒత్తిడి గురించి పలు ట్వీట్లు చేసింది. నిరాశ అనేది ఒక అనారోగ్యమని.. నిరాశ అనేది మానసిక అనారోగ్యానికి ప్రతిరూపమని సోషల్మీడియాలో వెల్లడించింది. ఇప్పుడు ఆ ట్వీట్లలో దీపిక ఉపయోగించిన పదాలను వాడుతూ దీపికను విమర్శించింది కంగన. దీపిక, ఆమె మేనేజర్ కరీష్మా మధ్య జరిగిన వాట్సప్ చాట్ అంటూ ఓ టీవీ ఛానల్ ప్రసారం చేస్తున్న వీడియోను షేర్ చేసింది కంగన.
- — Deepika Padukone (@deepikapadukone) June 15, 2020 " class="align-text-top noRightClick twitterSection" data="
— Deepika Padukone (@deepikapadukone) June 15, 2020
">— Deepika Padukone (@deepikapadukone) June 15, 2020
విచారణకు శ్రద్ధా, సారా!
బాలీవుడ్ డ్రగ్స్ కేసులో విచారణకు హాజరు కావాల్సిందిగా యువ నటీమణులు శ్రద్ధాకపూర్‌, సారా అలీఖాన్‌లకు నార్కొటిక్‌ కంట్రోల్ బ్యూరో (ఎన్సీబీ) సమన్లు జారీ చేసే అవకాశం ఉన్నట్లు తెలుస్తోంది. సుశాంత్సింగ్ కేసు విచారణలో భాగంగా బయటపడ్డ డ్రగ్స్ సరఫరా అంశంలో దర్యాప్తు సంస్థ ఇప్పటికే అతని సన్నిహితురాలు రియా చక్రవర్తితోపాటు పలువురిని అరెస్టు చేసింది. అంతకుముందు మూడు రోజులపాటు రియాను విచారించగా ఆమె పలువురు బాలీవుడ్ స్టార్ల పేర్లు బయటపెట్టింది. అందులో శ్రద్ధాకపూర్‌, సారా అలీఖాన్ పేర్లు కూడా ఉన్నట్లు సమాచారం. ఈ నేపథ్యంలో ఎన్సీబీ వారికి త్వరలోనే సమన్లు జారీ చేసే అవకాశం ఉన్నట్లు తెలుస్తోంది.
