సుప్రీంను ఆశ్రయించిన కంగన సిస్టర్స్​

ముంబయిలోని మెట్రోపాలిటన్​ కోర్టులో తనపై నమోదైన కేసులను హిమాచల్​ ప్రదేశ్​కు బదిలీ చేయాలని సుప్రీం కోర్టులో పిటిషన్​ దాఖలు చేసింది బాలీవుడ్​ నటి కంగనా రనౌత్​. అక్కడ శివసేన నేతల నుంచి ప్రాణహాని ఉందని ఈ పిటిషన్​లో​ ఆమె పేర్కొంది.

వివిధ కారణాలతో ముంబయిలోని మెట్రోపాలిటన్​ కోర్టులో తమపై నమోదైన మూడు క్రిమినల్​ కేసుల విషయమై సుప్రీంకోర్టును ఆశ్రయించారు కంగనా సిస్టర్స్​. వాటిని హిమాచల్​ ప్రదేశ్​కు బదిలీ చేయాలని పిటిషన్​ దాఖలు చేశారు. ముంబయిలో కేసుల విచారణకు హాజరుకావడం తనకు ప్రాణానికి ముప్పు అని ఈ పిటిషన్​లో కంగన పేర్కొంది. శివసేన నేతల నుంచి ప్రాణహాని ఉన్నందున కేసులను తన సొంత రాష్ట్రానికి బదిలీ చేయాలని ఆమె విజ్ఞప్తి చేసింది.

గతేడాది జులై 19న ఓ ఇంటర్వ్యూలో పాల్గొన్న కంగన.. సుశాంత్ సింగ్ రాజ్​పుత్ ఆత్మహత్య చేసుకోవడానికి జావేద్ అక్తర్ కూడా ఓ కారణమని పరుష వ్యాఖ్యలు చేసింది. దీంతో ఆయన.. కంగనపై పరువునష్టం కేసు పెట్టారు. కాగా, రైతుల చట్టాల విషయంలో ఆమె చేసిన ట్వీట్లు మత సామరస్యాన్ని దెబ్బతీసేలా, అల్లర్లను సృష్టించేలా ఉన్నాయని వేరే కేసులు నమోదయ్యాయి.

ప్రస్తుతం కంగన 'తలైవి', 'ధాకడ్'​ సినిమాల్లో నటిస్తోంది. ప్రస్తుతం చిత్రీకరణ జరుపుకుంటున్నాయి ఈ చిత్రాలు.

ఇదీ చూడండి: కంగనా రనౌత్​పై రోజుకో కేసు.. ఇంటికి సమన్లు!