ప్రముఖ దర్శకుడు ఎస్.ఎస్.రాజమౌళి తెరకెక్కిస్తున్న'ఆర్.ఆర్.ఆర్' చిత్రీకరణ బల్గేరియాలో జరుగుతోంది. హీరోల్లో ఒకరైన జూ.ఎన్టీఆర్‌పై సన్నివేశాలు చిత్రీకరిస్తున్నారు. ఇటీవలే ఈ దర్శకుడి పుట్టినరోజు సందర్భంగా కొత్త పోస్టర్‌ ఏదైనా విడుదల చేస్తారని అభిమానులు ఎదురుచూశారు. కానీ చిత్రబృందం ఎటువంటి సర్‌ప్రైజ్‌ ఇవ్వలేదు.
తాజాగా ఈ సెట్‌ నుంచి ఓ ఫొటో బయటకు వచ్చింది. ఇందులో రాజమౌళి, తారక్ మరో వ్యక్తితో కలిసి ఉన్నారు. వ్యవసాయ క్షేత్రంలో ఈ ముగ్గురు నవ్వులు చిందిస్తూ ఫొటోకు ఫోజిచ్చారు. రాజమౌళి నల్ల టోపీ ధరించి, కళ్లజోడు పెట్టుకొని ఉండగా, తారక్ నలుపు టీషర్ట్తో సింపుల్‌గా కనిపించి అభిమానుల్ని ఆశ్చర్యపరిచాడు. కాస్త బరువు తగ్గి స్లిమ్గా ఉన్న ఈ హీరోను చూసి.. 'తారక్ కొత్త లుక్ బావుంది. ఇలా ఎప్పుడూ చూడలేదు' అంటూ నెటిజన్లు కామెంట్స్ పెడుతున్నారు.
ఇది చదవండి: ఎన్టీఆర్ సన్నగా మారాడు.. రాజమౌళికి వయసు పెరిగింది
