పవర్స్టార్ పవన్‌కల్యాణ్‌-రేణు దేశాయ్ కాంబినేషన్‌లో విడుదలైన 'బద్రి' సినిమా మంచి విజయాన్ని అందుకుంది. ఆ తర్వాత ఈ జంట 'జానీ' సినిమాతో ప్రేక్షకులను అలరించారు. తాజా సమాచారం ప్రకారం వీరిద్దరూ కలిసి మరోసారి వెండితెరపై సందడి చేయనున్నట్లు సమాచారం. ఈ విషయంపై టాలీవుడ్లో ఊహాగానాలు వినిపిస్తున్నాయి. ప్రస్తుతం పవన్.. వేణు శ్రీరామ్‌ దర్శకత్వంలో తెరకెక్కుతోన్న 'పింక్‌' రీమేక్‌లో నటిస్తున్నాడు. అంతేకాకుండా క్రిష్‌ దర్శకత్వంలో ఓ సినిమాకూ సంతకం చేశాడు.
తాజాగా హరీశ్‌ శంకర్‌ డైరెక్షన్‌లో పవన్ ఓ సినిమాలో నటిస్తున్నట్లు మైత్రీ మూవీ మేకర్స్‌ ప్రకటించింది. ఈ నేపథ్యంలో పవన్ నటించే ఓ సినిమాలో రేణూ నటిస్తారని సినీవర్గాల్లో ప్రచారం జరుగుతోంది. అంతేకాకుండా సినిమాలో ఆమె పాత్ర చాలా కీలకంగా ఉండొచ్చని సమాచారం. మరి ఈ వార్తల్లో ఎంత నిజముందో తెలియాలంటే అధికారిక ప్రకటన కోసం వేచి చూడాల్సిందే.
ఇటీవల రేణు దేశాయ్.. మంచి పాత్రలు వస్తే తాను నటించడానికి సిద్ధంగా ఉన్నానని ఓ కార్యక్రమంలో పేర్కొంది. ప్రస్తుతం ఆమె వ్యవసాయం, రైతులకు సంబంధించిన కథతో ఓ సినిమా తెరకెక్కుతోంది.
- " class="align-text-top noRightClick twitterSection" data="">
ఇదీ చూడండి... టబు, భూమిక బాటలోనే రేణు దేశాయ్!
