'రేసుగుర్రం' చిత్రంతో ఇటు మాస్‌ ప్రేక్షకులతో పాటు క్లాస్‌ సినీప్రియులతోనూ థియేటర్లలో విజిల్స్‌ కొట్టించారు హీరో అల్లు అర్జున్ - దర్శకుడు సురేందర్ రెడ్డి. ఈ సూపర్హిట్ కలయికలో మరో కొత్త చిత్రానికి రంగం సిద్ధమవుతోందని సమాచారం. సురేందర్ రెడ్డి ప్రస్తుతం దర్శక రచయిత వక్కంతం వంశీతో కలిసి బన్నీకి ఓ అదిరిపోయే కథను సిద్ధం చేస్తున్నట్లు ప్రచారం జరుగుతోంది.
గతంలో 'రేసుగుర్రం' కథను అందించింది వంశీనే. ఇప్పుడు మళ్లీ అదే స్థాయిలో బన్నీ కోసం పవర్‌ఫుల్‌ స్క్రిప్ట్‌ను సిద్ధం చేయిస్తున్నారట. దీనికి సంబంధించిన పనులు శరవేగంగా జరుగుతున్నట్లు సమాచారం. అన్నీ అనుకున్నట్లు జరిగితే 'పుష్ప', 'ఐకాన్‌' చిత్రాలు పూర్తయిన వెంటనే అల్లు అర్జున్‌తో ఈ ప్రాజెక్టును పట్టాలెక్కించాలని లక్ష్యంగా పెట్టుకున్నారట సురేందర్ రెడ్డి.
ఇదీ చూడండి... 'నా సినిమాలు రీమేక్ అవ్వడం ఆనందంగా ఉంది'
