వ్యాఖ్యాతగా బుల్లితెర ప్రేక్షకుల్ని అలరిస్తూనే.. విభిన్న పాత్రలతో నటిగా వెండితెరపై కూడా సందడి చేస్తున్నారు అనసూయ. ప్రస్తుతం 'థ్యాంక్యూ బ్రదర్‌' చిత్రంలో నటిస్తున్న ఆమె త్వరలోనే కోలీవుడ్‌లో తెరకెక్కనున్న సిల్క్స్మిత బయోపిక్లో నటించనున్నారని గత కొన్నిరోజులుగా వార్తలు వస్తున్నాయి. ఈ క్రమంలోనే ఆమె ఇటీవల చెన్నైకు వెళ్లారని చాలామంది అనుకున్నారు. దీంతో సిల్క్స్మిత బయోపిక్లో అనసూయ నటించనున్నారంటూ చిత్రపరిశ్రమలో జోరుగా ప్రచారం సాగుతోంది.
ఆ వార్తలపై తాజాగా స్పందించిన అనసూయ సిల్క్స్మిత బయోపిక్లో నటించడం లేదని తేల్చి చెప్పేశారు. ఈ మేరకు బుధవారం ట్విట్టర్‌ వేదికగా ఓ ట్వీట్‌ చేశారు. దీంతో గత కొన్నిరోజులుగా అనసూయ సినిమా గురించి వస్తోన్న వార్తలకు బ్రేక్‌ పడినట్లు అయ్యింది.
ఇదీ చూడండి: 'గర్భిణీ'గా అనసూయ.. జూనియర్ సమంతపై విమర్శలు
