బాలీవుడ్ హీరో అక్షయ్ కుమార్.. ఏడాది నాలుగైదు సినిమాలు చేస్తూ అదరగొడుతుంటారు. అందుకు తగ్గట్లుగానే హీరోయిన్లందరితోనూ ఆడిపాడుతుంటారు. ప్రస్తుతం ఆయనతో చేస్తున్న కొందరు భామలు.. అక్షయ్ సినీ ఎంట్రీ అప్పటికీ ఇంకా పుట్టనేలేదు. కొందరికి అయితే ఐదారేళ్లు ఉంటాయి. ఇంతకీ ఆ ముద్దుగుమ్మలు ఎవరు? అక్షయ్తో వారు ఏయే సినిమాలు చేశారు? చేస్తున్నారు?
1) సారా అలీఖాన్
'అతిరంగీ రే' సినిమాలో అక్షయ్ సరసన సారా అలీఖాన్ నటిస్తోంది. అయితే అతడి తొలి చిత్రం 'సౌగంధ్' (1991) విడుదలయ్యేటప్పటికి సారా ఇంకా పుట్టలేదు. ఆమె 1995లో జన్మించింది.
2) కియారా అడ్వాణీ
అక్షయ్ కుమార్ హారర్-కామెడీ చిత్రం 'లక్ష్మి'.. ఇటీవలే విడుదలై మంచి ఆదరణ దక్కించుకుంది. ఇందులో ఆయన భార్య పాత్రలో కియారా అడ్వాణీ నటించింది. ఇంతకు ముందు 'గుడ్ న్యూస్' చేశారు. అయితే ఈమె కూడా అక్షయ్ బాలీవుడ్ ఎంట్రీ ఇచ్చే సమయానికి పుట్టలేదు. 'సౌగంధ్' విడుదలైన తర్వాత ఏడాది.. అంటే 1992లో కియారా జన్మించింది.
3) కృతి సనన్
అక్షయ్తో కలిసి కృతి సనన్ 'హౌస్ఫుల్-4'లో నటించింది. ఈమెకు ఇప్పుడు 30 ఏళ్లు. అక్షయ్ తొలి చిత్రం విడుదలయ్యే సమయానికి కృతి సనన్కు ఏడాది. వీరిద్దరు 'బచ్చన్ పాండే' కోసం మరోసారి కలిసి పనిచేస్తున్నారు.
4) వాణీ కపూర్
'బెల్ బాటమ్' కోసం తొలిసారి అక్షయ్ కుమార్, వాణీ కపూర్ జంటగా నటిస్తున్నారు. 1991 నాటికి వాణీ కపూర్కు కేవలం మూడేళ్లు.
5) మౌనీ రాయ్
'గోల్డ్'లో(2018) అక్షయ్ సరసన మౌనీ రాయ్ హీరోయిన్. అక్షయ్ తొలి చిత్రం విడుదలయ్యే సమయానికి మౌనీ వయసు ఆరేళ్లు.
6) రాధిక ఆప్టే
'ప్యాడ్మ్యాన్'లో(2018) అక్షయ్ కుమార్ భార్యగా రాధిక ఆప్టే ఆకట్టుకుంది. అక్షయ్ బాలీవుడ్ ఎంట్రీ సమయానికి రాధికకు ఆరేళ్లు.
7) భూమి పెడ్నేకర్
'టాయిలెట్: ఏక్ ప్రేమ్ కథ'లో అక్షయ్ కుమార్ సరసన భూమి పెడ్నేకర్ నటించింది. అక్షయ్ బాలీవుడ్లోకి వచ్చేటప్పటికీ భూమికి రెండేళ్లు.
8) అసిన్
'ఖిలాడీ 786', 'హౌస్ఫుల్ 2' చిత్రాల్లో అక్షయ్ కుమార్, అసిన్లు కలిసి నటించారు. 1991 నాటికి ఈమెకు ఐదేళ్లు.
9) సోనాక్షి సిన్హా
అక్షయ్, సోనాక్షి సిన్హా కలిసి ఐదు చిత్రాల్లో నటించారు. 'రౌడీ రాఠోడ్', 'మిషన్ మంగళ్', 'హాలీడే', 'జోకర్', 'బాస్' సినిమాల్లో వీరిద్దరూ కనువిందు చేశారు. అక్షయ్ తొలి చిత్రం విడుదలయ్యే సమయానికి సోనాక్షికి మూడేళ్లు.
10) జాక్వెలిన్ ఫెర్నాండేజ్
'హౌస్ఫుల్ 3', 'బ్రదర్స్' చిత్రాల్లో అక్షయ్ సరసన జాక్వెలిన్ ఫెర్నాండేజ్ కథానాయికగా చేసింది. అక్షయ్ బాలీవుడ్ ఎంట్రీ నాటికి ఆమెకు ఐదేళ్లు.
11) నిమ్రత్ కౌర్
అక్షయ్ కుమార్, నిమ్రత్ కౌర్ కలిసి నటించిన 'ఎయిర్లిఫ్ట్' విశేష ఆదరణ దక్కించుకుంది. అక్షయ్ హీరో అయిన సమయానికి నిమ్రత్ వయసు ఎనిమిదేళ్లు.
12) తమన్నా
అక్షయ్ 'ఎంటర్టైన్మెంట్'(2014) చిత్రంతో బాలీవుడ్లోకి ఎంట్రీ ఇచ్చింది స్టార్ హీరోయిన్ తమన్నా. అక్షయ్ బాలీవుడ్లోకి అడుగుపెట్టిన సమయానికి తమన్నాకు ఏడాది వయసు మాత్రమే.
13) అమీ జాక్సన్
'సింగ్ ఈజ్ బ్లింగ్' చిత్రంలో అక్షయ్ కుమార్ సరసన అమీ జాక్సన్ నటించింది. శంకర్ 'రోబో 2.0' కోసం వీరిద్దరూ కలిసి పనిచేశారు. అయితే అక్షయ్ సినిమాల్లోకి వచ్చిన సమాయానికి అమీ జన్మించలేదు. 1992 జనవరి 31న ఈమె పుట్టింది.
14) శ్రుతి హాసన్
'గబ్బర్' చిత్రంలో అక్షయ్ కుమార్, శ్రుతి హాసన్ కలిసి నటించారు. అక్షయ్ బాలీవుడ్ ఎంట్రీ నాటికి శ్రుతి హాసన్ వయసు ఐదేళ్లు.
15) ఇలియానా
అక్షయ్ కుమార్, ఇలియానా జంటగా నటించిన చిత్రం 'రుస్తుమ్'(2016). అయితే అక్షయ్ ఎంట్రీ నాటికి ఇలియానాకు ఐదేళ్లు.
