హాలీవుడ్ స్టార్ హీరో టామ్ క్రూజ్ నటిస్తున్న ప్రతిష్టాత్మక చిత్రం 'మిషన్ ఇంపాజిబుల్ 7'. కరోనా కారణంగా ఈ సినిమా చిత్రీకరణ మార్చి నుంచి నిరవధిక వాయిదా పడింది. అయితే ఈ ప్రాజెక్టు షూటింగ్‌ను సెప్టెంబరులో తిరిగి ప్రారంభించాలని చిత్రబృందం భావిస్తోంది.
ఇందులో నటిస్తున్న సైమన్‌ పెగ్‌ (బెంజీ డున్‌ పాత్రధారి).. ఇటీవలే ఓ ఇంటర్వ్యూలో మాట్లాడుతూ "చిత్రీకరణలో పాల్గొనే ప్రతి ఒక్కరు జాగ్రత్తగా ఉండాలి. ప్రతిరోజు సెట్‌కు వచ్చిన తర్వాత వైద్యపరీక్షలు చేయించాలి. మరీ వీటిని ఎలా చేస్తారో లేదో నాకైతే తెలియదు" అని వెల్లడించారు.
- " class="align-text-top noRightClick twitterSection" data="">
యాక్షన్‌ డ్రామాగా తీస్తున్న ఈ చిత్రానికి క్రిస్టోఫర్ మెక్‌క్వారీ దర్శకత్వం వహిస్తున్నారు. ఇందులో వింగ్ రేమ్స్, రెబెకా ఫెర్గూసన్, వెనెస్సా కిర్బీ, హేలే అట్వెల్, హెన్రీ సెర్నీ తదితరులు ఇతర పాత్రలు పోషిస్తున్నారు. పారామౌంట్‌ పిక్చర్స్ పంపిణీదారుగా వ్యవహరిస్తున్న ఈ సినిమా.. వచ్చే ఏడాది నవంబర్‌ 19న ప్రేక్షకుల ముందుకు రానుంది.
ఇదీ చూడండి... 'వైద్యుల్లో ఉత్సాహం నింపేందుకే వర్చువల్ సిరీస్'
