హలో పిల్లా అంటే కొత్తేం ఉంది. అందరూ అనేదే కదా. అందుకే విభిన్నంగా స్పానిష్‌ భాషలో 'హోలో చికా' అంటూ హుషారైన గీతాన్ని రచించారు శ్రీమణి. 'అల్లుడు అదుర్స్' సినిమా కోసం ఈ ప్రయత్నం చేశారు.
బెల్లంకొండ శ్రీనివాస్, నభా నటేష్‌, అను ఇమ్మాన్యుయేల్‌ జంటగా తెరకెక్కుతున్న చిత్రం అల్లుడు అదుర్స్. ఈ సినిమాకు సంతోష్‌ శ్రీనివాస్ దర్శకత్వం వహిస్తున్నారు. కథానాయకుడు సాయి శ్రీనివాస్ పుట్టిన రోజు సందర్భంగా ఈ పాటను విడుదల చేసింది చిత్రబృందం. గమ్మత్తైన ఈ గీతాన్ని జస్ర్పీట్‌ జాస్జ్‌ ఆలపించారు. దేవీ శ్రీ ప్రసాద్‌ స్వరాలు సమకూర్చారు.
సుమంత్‌ మూవీ ప్రొడక్షన్స్‌ పతాకంపై గొర్రెల సుబ్రహ్మణ్యం నిర్మించిన ఈ చిత్రం సంక్రాంతి కానుకగా జనవరి 15న విడుదల కానుంది.
ఇదీ చదవండి:'సామ్‌జామ్‌'లో 'చైసామ్'కు వేళాయె
