Akhanda title song: సంక్రాంతి పండగ పురస్కరించుకుని 'అఖండ' టైటిల్ సాంగ్ విడుదల చేశారు. ఈ పాటలో అఘోరాగా బాలయ్య కనిపించారు. మాస్ ఎంటర్టైనర్గా తెరకెక్కిన ఈ సినిమా జనవరి 21న డిస్నీ ప్లస్ హాట్స్టార్ ఓటీటీలో విడుదల కానుంది.
- " class="align-text-top noRightClick twitterSection" data="">
ఈ సినిమాతో బోయపాటి-బాలయ్య హ్యాట్రిక్ హిట్ కొట్టారు. తమన్ బ్యాక్గ్రౌండ్ మ్యూజిక్తో బాక్సులు బద్దలుకొట్టాడు. ఈ చిత్రాన్ని రూ.100 కోట్లకుపైగా కలెక్షన్లు సాధించింది!
Bheemla nayak poster: 'భీమ్లా నాయక్' నుంచి సంక్రాంతి స్పెషల్ పోస్టర్ వచ్చింది. ఈ సినిమా ఫిబ్రవరి 25న థియేటర్లలోకి రానుంది. ఇందులో పవన్, రానా ప్రధాన పాత్రల్లో నటిస్తున్నారు. వీరి సరసన నిత్యామేనన్, సంయుక్త హెగ్దే హీరోయిన్లుగా చేస్తున్నారు.
'అయ్యప్పనుమ్ కోశియమ్'కు రీమేక్గా ఈ సినిమా తీశారు. సాగర్ కె చంద్ర దర్శకత్వం వహించారు. సితార ఎంటర్టైన్మెంట్స్ పతాకంపై నాగవంశీ నిర్మించారు.
SSMB28: సంక్రాంతి పర్వదినం సందర్భంగా మహేశ్బాబు కొత్త సినిమా మ్యూజిక్ సిట్టింగ్స్ ప్రారంభమయ్యాయి. ఈ క్రమంలో తమన్, త్రివిక్రమ్ ఉన్న ఫొటోను చిత్రబృందం.. సోషల్ మీడియాలో పోస్ట్ చేసింది.
ఈ సినిమాలో పూజాహెగ్డే హీరోయిన్. నాగవంశీ నిర్మిస్తున్నారు. త్వరలో షూటింగ్, ఇతర నటీనటుల వివరాలు వెల్లడించనున్నారు.
*వరుణ్ తేజ్ 'గని' నుంచి మాస్ సాంగ్ వచ్చేసింది. 'కొడితే' అంటూ సాగే ఈ పాటలో తమన్నా డ్యాన్స్ చేసింది. బాక్సింగ్ కథతో తీసిన ఈ సినిమా.. ఇప్పటికే థియేటర్లలోకి రావాల్సినప్పటికీ, కరోనా కారణంగా వాయిదా పడింది.
- " class="align-text-top noRightClick twitterSection" data="">
ఇందులో వరుణ్ సరసన సయీ మంజ్రేకర్ హీరోయిన్గా చేసింది. కిరణ్ కొర్రపాటి దర్శకత్వం వహించారు. అల్లు బాబీ-సిద్ధు సంయుక్తంగా నిర్మించారు.
Hit 2 movie: అడివి శేష్ 'హిట్ 2' మూవీ షూటింగ్ పూర్తయింది. ఈ విషయాన్ని చెబుతూ దర్శకుడు శైలేష్ ఇన్స్టాలో పోస్ట్ చేశారు. 'హిట్'గా కొనసాగింపుగా తీస్తున్న ఈ సినిమా.. వచ్చే వేసవిలో ప్రేక్షకుల ముందుకు వచ్చే అవకాశముంది.
