సినీ హీరోలపై అంతులేని అభిమానం చూపిస్తారు కొందరు. నచ్చిన హీరో సినిమా వస్తుదంటే వారికే పండగే. పూలదండలు, డప్పు చప్పుళ్లు, పాలాభిషేకాలతో తమ ఆనందాన్ని పంచుకుంటారు. తమిళ హీరో సూర్య అభిమానులు రికార్డు బ్రేక్ చేసే అభిమానాన్ని చూపించారు.
రేపు 'ఎన్.జి.కె' సినిమా ప్రేక్షకుల ముందుకు రానుంది. ఈ నేపథ్యంలో తమిళనాడు తిరువళ్లూరు జిల్లా సూర్య అభిమాన సంఘం ఆధ్వర్యంలో 215 అడుగులు ఎత్తయిన కటౌట్ను ఏర్పాటు చేశారు. బుధవారం ఆవిష్కరించారు.
కటౌట్ను చూసేందుకు అభిమానులు ఉత్సాహం చూపిస్తున్నారు. సెల్ఫీలు తీసుకుంటూ సందడి చేస్తున్నారు.
ఇప్పటివరకూ హీరో అజిత్‌ అభిమానులు ఏర్పాటు చేసిన 180 అడుగుల కటౌట్ దేశంలోనే అతి పెద్దదిగా రికార్డుగా ఉండేది. అయితే తాజాగా సూర్య అభిమానులు ఆ రికార్డును బ్రేక్ చేశారు. కటౌట్ కోసం సుమారు రూ.7 లక్షలు ఖర్చు పెట్టారు. సుమారు 40మంది కార్మికులు 35 రోజుల పాటు శ్రమించారు.
ఇది చదవండి: సినీ డైరీ: 40 నిమిషాల చేజింగ్.. 90 కార్లు ధ్వంసం
