దర్శకుడు నాగ్ అశ్విన్-హీరో ప్రభాస్ కాంబినేష‌న్లో ప్రతిష్ఠాత్మకంగా ఓ సినిమా తెరకెక్కబోతుంది. ప్రస్తుతం ప్రీ ప్రొడక్షన్ పనులు జరుగుతున్నాయి. ఈ సినిమా కథపై సోషల్మీడియాలో అభిమానుల మధ్య రకరకాల చర్చ నడుస్తోంది.
ఈ సినిమా 2050 భవిష్యత్లోని ఓ సైన్స్ ఫిక్షనల్ కథతో రూపొందుతోందని నెట్టింట ప్రచారం జరుగుతోంది. ఓ బయోవార్కు సంబంధించిన కథాంశమని.. ప్రస్తుతం ప్రపంచవ్యాప్తంగా ఉన్న పరిస్థితులను ఈ చిత్రంలో వివరించనున్నట్లు తెలుస్తోంది.
సైన్స్ ఫిక్ష‌న్ నేపథ్యంలో రూపొందనున్న ఈ పాన్ ఇండియా చిత్రం.. తెలుగు, హిందీ, తమిళ్, మలయాళం, కన్నడ భాషలతో పాటు పాన్ వరల్డ్ స్థాయిలో విడుదల చేయడానికి ప్రణాళికలు జరుగుతున్నాయి. ఇందులో బాలీవుడ్ తారలు అమితాబ్ బచ్చన్, దీపికా పదుకొణె కీలకపాత్రలు పోషిస్తున్నారు. వచ్చే ఏడాది షూటింగ్ ప్రారంభించనున్నట్లు తెలుస్తోంది.
ఇదీ చూడండి: ప్రభాస్-నాగ్ అశ్విన్ సినిమా సెట్స్పైకి వెళ్లేది అప్పుడే
