మలయాళీ నటుడు ఫహాద్ ఫాజిల్ నటించిన 'జోజి' చిత్రానికి స్వీడిష్ ఇంటర్నేషనల్ ఫిల్మ్ ఫెస్టివల్ అవార్డు దక్కింది. ఈ విషయాన్ని తన ఫేస్బుక్లో తెలిపారు ఫహద్. "స్వీడన్ నుంచి గుడ్న్యూస్! బెస్ట్ ఇంటర్నేషనల్ ఫీచర్ అవార్డు, 2021లో జోజి సినిమాకు వచ్చింది" అని పేర్కొన్నారు. ఈ సినిమా షేక్స్పియర్ 'మెక్బెత్' నవల ఆధారంగా తెరకెక్కింది. 'జోజి'(Joji Movie Awards) సినిమా ఏప్రిల్ 7న అమెజాన్ ప్రైమ్లో విడుదలైంది. ఈ చిత్రానికి దిలీశ్ పోతన్ దర్శకత్వం వహించారు.
దర్శకుడి కుమారుడిగా చిత్రసీమలో అడుగుపెట్టిన ఫహాద్ ఫాజిల్.. కెరీర్ ఆరంభంలో నటన విషయంలో చాలా విమర్శలు ఎదుర్కొన్నారు. ఆ తర్వాత కొంతకాలానికి 'సూపర్‌స్టార్‌' అనిపించుకున్నారు. దక్షిణాదిలో చేస్తున్నప్పటికీ ప్రపంచవ్యాప్తంగా గుర్తింపు తెచ్చుకున్నారు. ప్రస్తుతం ఫహాద్.. అల్లు అర్జున్ 'పుష్ప'లో విలన్గా నటిస్తున్నారు.
ఇదీ చదవండి: fahadh faasil birthday: ఛీ కొట్టిన వాళ్లే శెభాష్ అనేలా!
