నేచురల్ స్టార్ నాని నటించిన టక్ జగదీశ్ ఓటీటీలో విడుదలకు సన్నాహాలు చేస్తుండటంపై తెలంగాణ సినిమా థియేటర్ల అసోసియేషన్ అభ్యంతరం వ్యక్తం చేసింది. సెప్టెంబర్ 10న లవ్ స్టోరీ థియేటర్లో విడుదలవుతుండగా అదే రోజు టక్ జగదీశ్ను ఓటీటీలో విడుదల చేస్తుండటం పట్ల ఎగ్జిబిటర్లు ఆందోళన వ్యక్తం చేశారు. టక్ జగదీశ్ నిర్మాతలు తమ నిర్ణయంపై పునరాలోచించుకోవాలని కోరారు. పండుగల సమయంలో కొత్త సినిమాలు ఓటీటీలో విడుదల చేయటం నిర్మాతలు, ఎగ్జిబిటర్లకు భవిష్యత్లో తీరని నష్టాన్ని చేకూరుస్తుందని ఆవేదన వ్యక్తం చేశారు.
ఈ సందర్భంగా తెలంగాణ సినిమా థియేటర్ అసోసియేషన్ ఆధ్వర్యంలో ఫిల్మ్ ఛాంబర్లో సమావేశమైన ఎగ్జిబిటర్లంతా థియేటర్ లో విడుదలవుతున్న లవ్ స్టోరీకి ఏకగ్రీవంగా మద్దతు పలికారు. టక్ జగదీశ్ నిర్మాతలు ఓటీటీతో చర్చించి ఎగ్జిబిటర్లకు సహకరించాలని విజ్ఞప్తి చేశారు.
ఇదీ చదవండి : నాని సినిమాపై అసత్య ప్రచారం.. స్పందించిన టీమ్‌
