మాస్ మహారాజా రవితేజ కొత్త చిత్రం డిస్కోరాజా. తాజాగా ఈ సినిమా లిరికల్ సాంగ్ విడుదలైంది. 'కాలం ఆగాలి.. నా కాలి వేగం చూసి.. లోకం సాగాలి.. నా వేలి సైగే తెలిసి' అంటూ సాగుతున్న ఈ పాట ఆకట్టుకుంటోంది.
ఈ పాటకు తమన్‌ స్వరాలు సమకూర్చగా, సిరివెన్నెల సీతారామశాస్త్రి సాహిత్యం అందించారు. రవితేజ, బప్పిలహరి ఆలపించారు. తొలిసారి ‘బలుపు’ చిత్రం కోసం పాట పాడిన రవితేజ ఆ తర్వాత పవర్‌, రాజా ది గ్రేట్‌ చిత్రాల్లోనూ తన గొంతు వినిపించారు. ఆ పాటలన్నీ అలరించాయి. ఇప్పుడు మళ్లీ తమన్‌ సంగీత సారథ్యంలోనే ఈ పాటను పాడటం విశేషం.
ఈ సినిమాలో పాయల్‌ రాజ్‌పుత్‌, నభా నటేశ్‌, తాన్య హోప్‌ కథానాయికలు. వి.ఐ. ఆనంద్‌ దర్శకత్వం వహించారు. ఈ సినిమా జనవరి 24న ప్రేక్షకుల ముందుకు రానుంది. హాస్య నటుడు సునీల్‌ ఇందులో ఒక డిఫరెంట్‌ గెటప్‌లో కనిపించాడు.
- " class="align-text-top noRightClick twitterSection" data="">
ఇదీ చదవండి: భారతీయుడుకి విలన్గా కాజల్..?
