Prabhas radhe shyam: డార్లింగ్ ప్రభాస్ 'రాధేశ్యామ్' సంక్రాంతి కానుకగా ప్రేక్షకుల ముందుకు రానుంది. ఇటీవల ప్రీ రిలీజ్ ఈవెంట్ గ్రాండ్గా నిర్వహించారు. ఇప్పుడు హైదరాబాద్లో శనివారం ప్రెస్మీట్ పెట్టి పలు ఆసక్తికర విషయాలు వెల్లడించారు. ఈ సినిమా రిలీజ్ డేట్ గురించి నాలుగేళ్ల క్రితమే ఓ జ్యోతిషుడు చెప్పారని డైరెక్టర్ రాధాకృష్ణ కుమార్ తెలిపారు.
''రాధేశ్యామ్' రీసెర్చ్లో భాగంగా ఓ జ్యోతిష్యుడిని కలిశాను. ఆయనతో పలు విషయాల గురించి చర్చించాను. అయితే ఈ సినిమా 2022 ప్రథమార్ధంలో రిలీజ్ అవుతుందని ఆయన అప్పుడే చెప్పారు. అయితే నేను ఆ సమయంలో అది నమ్మలేదు" అని దర్శకుడు రాధాకృష్ణ కుమార్ చెప్పారు.
'రాధేశ్యామ్' వీఎఫ్ఎక్స్ వర్క్ 12 దేశాల్లో చేశామని రాధాకృష్ణ వెల్లడించారు. ఫిలాసఫీ అనే నేపథ్యంగా తీసిన ఈ సినిమా అందరికీ స్ఫూర్తినిస్తుందని అన్నారు. డైరెక్టర్గా కాకుండా ప్రభాస్ అభిమానిగా గర్వంగా చెబుతున్నా.. ఈ సినిమా అభిమానుల అంచనాలను మించి ఉంటుందని రాధాకృష్ణ కుమార్ ధీమా వ్యక్తం చేశారు. ఈ సినిమా అందరికీ కనెక్ట్ అవుతుందని, లవ్ అర్థమైన ప్రతి ఒక్కరి కోసమే ఈ చిత్రమని చెప్పారు.
1970ల నాటి ప్రేమకథతో తీసిన ఈ సినిమాలో ప్రభాస్ సరసన పూజా హెగ్డే హీరోయిన్గా చేసింది. కృష్ణంరాజు కీలకపాత్ర పోషించారు. జస్టిన్ ప్రభాకరన్ సంగీతమందించారు. రాధాకృష్ణ కుమార్ దర్శకత్వం వహించారు. యూవీ క్రియేషన్స్, గోపీకృష్ణ మూవీస్ సంయుక్తంగా నిర్మించాయి. సంక్రాంతి కానుకగా జనవరి 14న పాన్ ఇండియా రేంజ్లో ఈ సినిమా విడుదల కానుంది.
- " class="align-text-top noRightClick twitterSection" data="">
ఇవీ చదవండి:
