Samantha O antava song: అల్లు అర్జున్‌- సుకుమార్‌ కాంబినేషన్‌లో వచ్చిన 'పుష్ప'లోని స్పెషల్ సాంగ్ 'ఊ అంటావా మావ.. ఊ ఊ అంటావా మావ' సినిమాకే ప్రధాన ఆకర్షణగా నిలిచింది. కెరీర్‌లోనే తొలిసారి ఈ పాటతో ప్రత్యేక గీతంలో నర్తించింది నటి సమంత. ఈ పాటకు సమంతనే గుడ్ ఛాయిస్ అని, దాని వెనుక ఉన్న కారణాన్ని చెప్పాడు చిత్ర సంగీత దర్శకుడు దేవీ శ్రీ ప్రసాద్. "వాస్తవానికి ఈ పాటంతా సిద్ధమైనా.. ఇందులో ఎవరు నర్తిస్తారన్నది అప్పటికింకా ఫైనల్‌ కాలేదు. సమంతను ఎంపిక చేయాలన్నది పూర్తిగా దర్శకుడు సుకుమార్‌, నిర్మాతల నిర్ణయం. ఇక సామ్‌ను ఫైనల్‌ చేసిన రెండు రోజుల ముందే నాకా విషయం తెలిసింది. ఈ పాటకు సామ్‌ను ఓకే చేయడం చక్కటి ఎంపిక. పాటకు ఫ్రెష్‌ ఫీల్‌ను తీసుకొచ్చింది. ఇప్పటి వరకూ ఆమెను వివిధ పాత్రల్లో చూశాం. తొలిసారి స్పెషల్ సాంగ్‌లో కనిపించడం, అలాగే ఆమె మేకోవర్‌ కూడా చాలా బాగుంది. నా మ్యూజిక్‌లో నర్తించడం సంతోషంగా ఉంది. తన డ్యాన్స్, లుక్స్‌తో అందరినీ ఆశ్చర్యపరిచింది. ఈ పాట కోసం తను చేసిన కృషిని అభినందిస్తున్నా" అని అన్నారు.
ఆ విషయాన్ని ఫ్యాన్స్‌ నా దృష్టికి తీసుకొచ్చారు..
ఈ మధ్యనే ఓ ఫన్‌ ఫ్యాక్ట్‌ను అభిమానులు నాతో పంచుకున్నారు. "దక్షిణాది ప్రముఖ కథానాయికులు చేసిన స్పెషల్ సాంగ్స్‌ కాజల్‌- పక్కాలోకల్‌ (జనతా గ్యారేజీ), పూజా హెగ్డే- జిగేల్‌ రాణి (రంగస్థలం), తమన్నా- స్వింగ్‌ జరా (జై లవకుశ), ఇప్పుడు.. సమంత- ఊ అంటావా(పుష్ప)" ఇవన్నీ మీరు కంపోజ్‌ చేసినవే అంటూ ఫన్నీ మీమ్‌ షేర్‌ చేశారు. ఇది నాకు చాలా స్పెషల్ అంటూ ఆనందాన్ని వ్యక్తం చేశారు.
ఇదీ చూడండి: సెగలు పుట్టిస్తున్న హాలీవుడ్ భామ పోజులు!
