Deepika padukone : 'నా దృష్టంతా ప్రస్తుతం దానిపైనే'

Deepika padukone on Gehraiyaan: బాలీవుడ్​ హీరోయిన్​ దీపికా పదుకొణె నటించిన కొత్త చిత్రం 'గెహ్రాహియా' ఇటీవల విడుదలై మిశ్రమ స్పందనలను అందుకుంది. తాజాగా దీనిపై స్పందించిన దీపికా.. ఈ చిత్రం నటిగా తనకు సంతృప్తిని ఇచ్చిందని పేర్కొంది.

Deepika padukone on Gehraiyaan: 'గెహ్రాహియా' చిత్రం నటిగా తనకు సంతృప్తిని, కొత్త అనుభూతిని ఇచ్చిందని చెప్పింది బాలీవుడ్ ప్రముఖ​ హీరోయిన్​ దీపికా పదుకొణె. ఈ​ చిత్రంలో దీపిక నటనకు మిశ్రమ స్పందనులు వచ్చాయి. ప్రస్తుతం ఉన్న ఆధునిక సంబంధాలపైన షకున్​ బత్రా దర్శకత్వంలో ఈ సినిమా వచ్చింది.

"నిజానికి చెప్పాలంటే 'ఈ రోజు గుర్తుండిపోయే సన్నివేశంలో నటిస్తాం' అని ఏ నటులు ఆలోచించరు. ఆ సన్నివేశానికి తగ్గట్టుగా మా శక్తి మేర నటిస్తాం. ఓ నటిగా ప్రతిరోజు ఒకేలా ఉండదనే విషయాన్ని మరిచిపోకూడదు. ఒక్కోసారి బాధలో ఉన్నా ఉత్సాహవంతమైన సన్నివేశాల్లో నటించాల్సి ఉంటుంది. మరోరోజు ఉత్సాహంగా ఉన్నా దానికి విరుద్ధంగా యాక్ట్​ చేయాల్సి ఉంటుంది. అది ఒక నటి కర్తవ్యం. నేను ప్రతిరోజూ వర్తమాన పరిస్థితుల గురించే ఆలోచిస్తాను. ఈ రోజు నేను ఒక ఐకానిక్​ సన్నివేశంలో నటించడానికి వెళ్తున్నాను అని అనుకోను. నా సినిమా విడుదలైన రోజు కృతజ్ఞత భావంతో ఉంటాను. ఈ చిత్రం నాకు చాలా నేర్పించింది. కొత్త అనుభూతినిచ్చింది."

-దీపికా పదుకొణె, నటి

ఇదీ చదవండి: యాక్షన్​ కింగ్​ అర్జున్​ ఇంట్లో మరో విషాదం