ఫస్ట్లుక్ విడుదల చేసినప్పటి నుంచే వార్తల్లో నిలిచిన చిత్రం 'ఛపాక్'. యాసిడ్ దాడి బాధితురాలు లక్ష్మి అగర్వాల్ జీవితం ఆధారంగా తీస్తుండటం... దీపికా పదుకొణె టైటిల్ రోల్లో కనిపిస్తుండం.. ఈ అంచనాలకు కారణం. ఇటీవలే వచ్చిన ట్రైలర్.. సినిమాపై ఆసక్తిని మరింత పెంచేసింది. ఇప్పుడు మరో పోస్టర్ను పంచుకొని నెటిజన్లను ఆశ్చర్యపరిచింది చిత్రబృందం. ఇందులో పాఠశాల విద్యార్థినిలా కనిపించి ఆకట్టుకుంటోంది దీపిక.
యాసిడ్ దాడి చేసిన వ్యక్తిపై, మాలతి అనే యువతి ఎలాంటి పోరాటం చేసింది? అనే అంశంతో ఈ సినిమాను రూపొందించారు. మేఘనా గుల్జర్ దర్శకత్వం వహించారు. వచ్చే నెల 10న ప్రేక్షకుల ముందుకు రానుందీ చిత్రం.
- " class="align-text-top noRightClick twitterSection" data="">
