కొడుకు బదులు తండ్రి కాలేజ్​కు వెళ్తే?

'కాలేజ్ కుమార్' ట్రైలర్ ఆద్యంతం అలరిస్తూ, సినిమాపై అంచనాల్ని పెంచుతోంది. ఇందులో రాహుల్ విజయ్, రాజేంద్ర ప్రసాద్ తండ్రికొడుకులుగా కనిపించనున్నారు.​

కాలేజ్​ నేపథ్యంలో టాలీవుడ్​లో చాలా సినిమాలు వచ్చాయి. కాకపోతే ఇప్పుడు రాబోతున్నది మాత్రం కాస్త డిఫరెంట్. ఎందుకంటే ఇందులో కొడుకు బదులు తండ్రి కళాశాలకు వెళ్తాడు. ఫలితంగా ఆయన బాధ్యతల్ని కొడుకు చేస్తాడు. ఇలాంటి భిన్నమైన కాన్సెప్ట్​తో తెరకెక్కుతున్న సినిమానే 'కాలేజ్ కుమార్'. తండ్రిగా రాజేంద్ర ప్రసాద్, కొడుకుగా రాహుల్ విజయ్ నటిస్తున్నారు. ట్రైలర్​ను ఈరోజు విడుదల చేశారు. ఆద్యంతం అలరిస్తూ అంచనాల్ని పెంచుతోంది.

ఇందులో ప్రియ వడ్లమాని హీరోయిన్​. మధుబాల.. హీరోకు తల్లి పాత్ర పోషిస్తోంది. హరి సంతోష్ దర్శకుడిగా పరిచయమవుతున్నాడు. కుతుబ్ ఈ క్రిపా సంగీతమందించాడు. సురేశ్​ ప్రొడక్షన్ విడుదల చేస్తున్న ఈ చిత్రం వచ్చే నెల 6న థియేటర్లలోకి రానుంది.

• " class="align-text-top noRightClick twitterSection" data="">