విశ్వసనీయత లేని వ్యక్తులు తెరాసపై ఆరోపణలు చేస్తున్నారని సినీ నటుడు పోసాని కృష్ణ మురళి విమర్శించారు. యువనేత కేటీఆర్, సీఎం కేసీఆర్ గురించి విపక్షాలు చెప్పేవన్నీ అవాస్తవాలని పోసాని కొట్టిపారేశారు. కేటీఆర్, హరీశ్‌రావు తెలంగాణకు రెండు కళ్ల వంటివారని ఆయన చెప్పారు. ఓటుకు నోటు కేసులో అడ్డంగా దొరికిపోయిన రేవంత్‌... కేటీఆర్‌ను రాజీనామా చేయమనడం హాస్యాస్పదంగా ఉందన్నారు.
జల వివాదాలను ఇరు రాష్ట్రాల ముఖ్యమంత్రులు సామరస్యపూర్వక వాతావరణంలో పరిష్కరించుకుంటారని పోసాని జోస్యం చెప్పారు. సీఎం కేసీఆర్ చాలా నిజాయతీపరులని, ప్రాజెక్టుల్లో అక్రమాలకు పాల్పడ్డారనేది అవాస్తవమని పోసాని వెల్లడించారు. తెలంగాణ అభివృద్ధి కేసీఆర్తోనే సాధ్యమని ఆయన పేర్కొన్నారు.
కేసీఆర్, కేటీఆర్పై విపక్షాలు చెప్పేవన్నీ అవాస్తవాలే: పోసాని
ఇవీ చూడండి: రేపు కేసీఆర్ ఉన్నతస్థాయి సమీక్ష.. లాక్డౌన్, 'పది' పరీక్షలపై చర్చ
