హీరో సాయిధరమ్ తేజ్(Sai dharam tej road accident).. రోడ్డు ప్రమాదానికి గురై ప్రస్తుతం ఆస్పత్రిలో చికిత్స పొందుతున్నారు. కేబుల్ బ్రిడ్జ్పై వెళ్తున్న సమయంలో బండి అదుపు తప్పి పడిపోవడం వల్ల తీవ్రంగా గాయపడి అపస్మారక స్థితిలోకి వెళ్లిపోయారు. తేజ్కు ఇలా జరగడంపై పలువురు అభిమానులు, ప్రముఖులు ఆందోళన వ్యక్తం చేశారు. మరికొందరు ప్రమాదం జరిగేటప్పుడు ఆయన నడిపిన స్పోర్ట్స్ బైక్(ట్రంప్)పైనా చర్చించుకుంటున్నారు. అయితే తేజ్ దగ్గరే కాదు పలువురు సినీ సెలబ్రిటీల గ్యారేజీలలో ఎంతో ఖరీదైన హై స్పీడ్ సూపర్ డూపర్ మోటర్ బైక్స్ ఉన్నాయి. వాటి విలువ దాదాపు రూ.10లక్షలకు పైగానే ఉన్నాయి. ఇంతకీ అవి ఎవరెవరి దగ్గర ఉన్నాయంటే..
సాయిధరమ్ తేజ్
సాయితేజ్కు ప్రమాదం జరగగానే ఆయన బైక్ ఏంటని ఆరా తీయడం ప్రారంభించారు నెటిజన్లు. తేజ్ గ్యారేజీలో ఉన్న చాలా బైక్స్లో.. ప్రమాదం జరిగినప్పుడు ఆయన నడిపిన ట్రంప్ బండి కూడా ఒకటి. 660సీసీతో నడిచే ఈ బైక్ విలువ దాదాపు రూ.11 నుంచి రూ.18లక్షల మధ్య ఉంటుంది. తేజ్కు బైక్ రైడింగ్ అంటే ఇష్టమని వినికిడి.
షాహిద్ కపూర్
బాలీవుడ్ హీరో షాహిద్ కపూర్ బైక్ లవర్. ఖాళీ దొరికినప్పుడు లాంగ్ రైడ్కు వెళ్తుంటారు. ఆయన గ్యారేజీలో ఎన్నో రకాల ఖరీదైన వాహనాలు ఉంటాయి. అందులో దాదాపు రూ.18లక్షల వరకు విలువ చేసే ఎన్నో బీఎమ్డబ్ల్యూ మోడల్స్, డుకాటి స్క్రామ్బ్లర్ 1100(రూ.11లక్షలు) ఉన్నాయి.
సల్మాన్ ఖాన్
సల్మాన్ ఖాన్ గురించి ప్రత్యేకంగా చెప్పనక్కర్లేదు. ఈయన కూడా బైక్రైడర్. భాయ్ దగ్గర సుజుకి హయాబుసా, యమహా వైజడ్ఎఫ్-ఆర్1, సుజుకి జీఎస్ఎక్స్-ఆర్ 1000జెడ్ సహా ఇంకెన్నో టాప్ బ్రాండ్స్ బైక్స్ ఉన్నాయి. ఇందులో సుజుకి ఇంట్రడర్ ఎమ్ 1800ఆర్జెడ్ కూడా ఒకటి. దీని విలువ రూ.16లక్షలు.
మాధవన్
బహుభాషా నటుడు మాధవన్ ఏకంగా రూ.40-46లక్షలు విలువ చేసి ఇండియన్ రోడ్ మాస్టర్ను తన సొంతం చేసుకున్నాడు. దీంతో పాటే ఆయన గ్యారేజీలో బీఎమ్డబ్ల్యూ కే1600జీటీఎల్ కూడా ఉంది. ఆరు సిలిండర్లతో కూడిన 1649సీసీ దీని ఇంజన్ సామర్థ్యం. రూ.28.75లక్షలు దీని విలువ.
జాన్ అబ్రహాం
జాన్ అబ్రహం కూడా బైక్ లవర్. రేసింగ్లకు వెళ్తుంటారు! ఆయన దగ్గర బీఎమ్డబ్ల్యూ ఎస్1000 ఆర్ఆర్ ఉంది. దీని ఎక్స్ షోరూమ్ విలువ రూ.18.5లక్షలు. దీంతో పాటే హోండా సీబీఆర్1000ఆర్ఆర్-ఆర్ ఫైర్బ్లేడ్, అప్రిలియా ఆర్ఎస్వీ4 ఆర్ఎఫ్, యమహా వైజడ్ఎఫ్ ఆర్1, ఎమ్వీ అగస్ట ఎఫ్3 800, డుకాటి పనిగలె వీ4, యమహా వీమ్యాక్స్, కవాసకీ నింజా జడ్ఎక్స్-14ఆర్ కూడా ఆయన గ్యారేజీలో ఉన్నాయి.
- " class="align-text-top noRightClick twitterSection" data="
">
ఇదీ చూడండి: సాయిధరమ్ తేజ్ హెల్త్ బులెటిన్ విడుదల
