బాలీవుడ్ స్టార్ హీరో అక్షయ్కుమార్ నటించిన 'లక్ష్మీబాంబ్' ట్రైలర్ ఇటీవల విడుదలై సినీప్రేక్షకులను విపరీతంగా అలరిస్తోంది. అయితే ఈ చిత్రాన్ని బాయ్కాట్ చేస్తామని సోషల్మీడియాలో నిరసన తెలుపుతున్నారు సుశాంత్ అభిమానులు. నటుడి మృతి కేసులో న్యాయం జరగాలని తాము చేస్తోన్న పోరాటానికి అక్షయ్ మద్దతు తెలపకపోవడమే కారణమని తెలిపారు. దీంతోపాటు అతడిని నకిలీ జాతీయవాది అని అభివర్ణించారు.
'లక్ష్మీ బాంబ్'.. హారర్, కామెడీ కథతో తీసిన ఈ సినిమా నవంబరు 9 నుంచి డిస్నీ ప్లస్ హాట్స్టార్లో స్ట్రీమింగ్ కానుంది. అక్షయ్, ఇందులో ట్రాన్స్ జెండర్ పాత్రలో కనిపించనున్నారు. దక్షిణాది చిత్రం 'కాంచన'కు ఇది రీమేక్. కియారా అడ్వాణీ హీరోయిన్. రాఘవ లారెన్స్ దర్శకత్వం వహించారు. ఫాక్స్ స్టార్ స్టూడియోస్ పతాకంపై తుషార్ కపూర్, అశ్విన్ కల్సేకర్, శరద్ కేల్కర్ సంయుక్తంగా నిర్మించారు.
ఇదీ చూడండి బాక్సాఫీస్ విక్రమార్కుడు.. ఈ దర్శక ధీరుడు
