హాలీవుడ్ నటుడు, 'బ్లాక్ పాంథర్' ఫేమ్ చడ్విక్ బోస్మన్ (43) కన్నుముశారు. కేన్సర్ కారణంగా లాస్ ఏంజెలిస్లోని తన నివాసంలో తుదిశ్వాస విడిచారు. ఈ విషయాన్ని ఆయన కుటుంబ సభ్యులు వెల్లడించారు.
నాలుగేళ్లుగా కొలన్ కేన్సర్తో బాధపడుతున్నారు బోస్మన్. ఈ మధ్య సోషల్ మీడియాలోనూ ఆయనను చూసిన అభిమానులు ఆందోళన వ్యక్తం చేశారు. బోస్మన్ ఏదో అనారోగ్య సమస్యతో బాధపడుతున్నట్లు గ్రహించారు. ఈ వ్యాధి గురించి బోస్మన్ ఇప్పటివరకు చెప్పకపోవడం గమనార్హం.
మార్వెల్ సినిమాటిక్ యూనివర్స్ నుంచి వచ్చిన 'బ్లాక్ పాంథర్'కు ప్రపంచవ్యాప్తంగా అభిమానులు ఉన్నారు. ఈ పాత్రలో ఎంతగానో మెప్పించారు బోస్మన్. అలాగే 'అవెంజర్స్' సిరీస్లోనూ ఈ పాత్ర కీలకంగా ఉంటుంది. దీంతో అభిమానులు ఆయన మృతి పట్ల దిగ్భ్రాంతి వ్యక్తం చేస్తున్నారు.
