కథానాయిక భూమి పెడ్నేకర్ను సూపర్స్టార్ ఆమిర్ఖాన్తో పోల్చారు ప్రముఖ నటుడు అర్షద్ వార్సీ. వీరిద్దరూ 'దుర్గమతి' సినిమాలో కలిసి నటించారు. ఈనెల 11న అమెజాన్ ప్రైమ్లో అది విడుదల కానుంది. ఈ సందర్భంగా భూమిపై ఆసక్తికర వ్యాఖ్యలు చేశారు అర్షద్.
"భూమి పెడ్నేకర్ చాలా కష్టపడి పనిచేస్తుంది. ఓ విషయం సరిగ్గా చేసేంతవరకు అస్సలు ఆపదు. ఆమెతో నటించడం అంటే చాలా కష్టం. అద్భుతంగా పాత్రను పండించింది. షూటింగ్లో ఒకసారి ఆమెను పిలిచి.. 'నువ్వు ఆమిర్ ఖాన్కు అమ్మాయి వెర్షన్' అని చెప్పాను" అని అర్షద్ వార్సీ తెలిపారు.
అనుష్క 'భాగమతి'కి హిందీ రీమేక్ ఈ సినిమా. హారర్ కథాంశంతో దీనిని తెరకెక్కించారు. మాతృకకు రూపొందించిన అశోక్.. రీమేక్కూ దర్శకత్వం వహించారు.
