పలు సినిమాల్లో సన్నివేశాలు కొంతకాలం గుర్తుంటాయి. మరికొన్ని చిత్రాల్లోని సీన్స్ ఎప్పటికీ మర్చిపోలేనివిగా ఉంటాయి. అలాంటిదే 'ఖుషి'లోని పవన్కల్యాణ్, భూమిక నడుమను చూసే సన్నివేశం. ఇప్పటికీ ప్రేక్షకులు దీని గురించి మాట్లాడుకుంటున్నారంటే.. దానిబట్టి అర్థం చేసుకోవచ్చు. దానికున్న సత్తా ఏమిటో?. అయితే ఈ రొమాంటిక్ సీన్ను మీరనుకున్నట్లు చిత్రీకరించలేదు. దాని వెనుక ఓ ఆసక్తికర కథ ఉంది.
నిజానికి తెరపై అంత చక్కగా పండిన ఆ సన్నివేశం వెనుక పవన్ అత్యద్భుతమైన నటన దాగి ఉంది. పవన్ భూమిక నడుమును చూసే సన్నివేశాలను ఆ సమయంలో అతడు ముఖంలో పలికిన హావభావాలు చూస్తే నిజంగా ఆమెను పవన్ ఎదురుగా కూర్చోబెట్టి ఆ సన్నివేశం చిత్రీకరించారేమో అనిపిస్తుంది. వాస్తవమేంటంటే పవన్, భూమికల సీన్స్ను వేరువేరుగా తీశారు.
- " class="align-text-top noRightClick twitterSection" data="">
చిత్ర దర్శకుడు ఎస్జే సూర్య... పవన్‌ను ఓ బల్లపై కూర్చోబెట్టి ఎదురుగా భూమిక ఉన్నట్లు, ఆమెను చాటుగా గమనిస్తున్నట్లుగా చేసి చూపమన్నారు. అలా చిత్రీకరించిన సన్నివేశాన్నే తర్వాత భూమిక సీన్స్తో కలిపి చూపించారు. అంతేకాని మనం ఊహించినట్లు జరగలేదు. తెరపై మాత్రం ఆది చూస్తున్నప్పుడు ఎంతో వాస్తవికంగా కనిపిస్తుంది.
