సూర్య హీరోగా నటిస్తున్న చిత్రం 'బందోబస్త్'. ఈ సినిమా టీజర్ నేడు విడుదలైంది. మోహన్లాల్, ఆర్య, సాయేషా సైగల్ కీలకపాత్రల్లో నటిస్తున్నారు. కేవీ ఆనంద్ ఈ చిత్రానికి దర్శకత్వం వహిస్తున్నాడు. ఆగస్టులో ప్రేక్షకుల ముందుకు రానుందీ చిత్రం.
- " class="align-text-top noRightClick twitterSection" data="">
యాక్షన్ థ్రిల్లర్గా తెరకెక్కిన ఈ చిత్ర టీజర్ ప్రేక్షకులను ఆకట్టుకుంటోంది. "మీరు రెచ్చగొట్టింది ప్రశాంతంగా నిద్రపోతున్న పులిని.. పంజా విసరక మానదు" లాంటి డైలాగ్లు ఆకట్టుకుంటున్నాయి. "పోరాడటం తప్పంటే... పోరాడే పరిస్థితిని ఏర్పరచడం కూడా తప్పే కదా" అంటూ సాగే సంభాషణతో టీజర్ ముగుస్తుంది.
ఈ సినిమాకు హారిస్ జయరాజ్ సంగీతం సమకూరుస్తున్నాడు. ఈ చిత్రాన్ని లైకా ప్రొడక్షన్స్ పతాకంపై సుభాస్కరణ్ నిర్మిస్తున్నాడు. కేవీ ఆనంద్ దర్శకత్వంలో సూర్య నటించడం ఇది మూడో సారి. ఇంతకు ముందు వీడొక్కడే, బ్రదర్స్ చిత్రాల్లో ఇద్దరు కలిసి పనిచేశారు.
ఇది చదవండి: ఖతర్నాక్ పాత్రతో ముమైత్ఖాన్ రీఎంట్రీ
