నందమూరి నటసింహం బాలకృష్ణ ప్రస్తుతం బోయపాటి శ్రీను దర్శకత్వంలో ఓ సినిమా చేస్తున్నారు. ఈ చిత్రానికి 'మోనార్క్' అనే టైటిల్ పరిశీలిస్తోంది చిత్రబృందం. ఈ చిత్రంలో బాలయ్య రెండు పాత్రల్లో దర్శనమివ్వబోతున్నారని తెలుస్తోంది. అయితే ఈ మూవీ తర్వాత ఈ హీరో తర్వాత ప్రాజెక్టు ఏంటంటూ ప్రస్తుతం ఆసక్తికర చర్చ నడుస్తోంది.
ఇప్పటికే ఓ మలయాళ రీమేక్లో బాలయ్య నటించబోతున్నారనే వార్తలూ వస్తున్నాయి. అయితే బోయపాటి చిత్రం తర్వాత ఈ హీరో 'ఆదిత్య 369'కు సీక్వెల్ చేసే యోచనలో ఉన్నారట. సింగీతం శ్రీనివాస రావు దర్శకత్వం వహించబోతున్న ఈ సినిమా కథా చర్చలు పూర్తయినట్లు సమాచారం. ఇది సైన్స్ ఫిక్షన్ మూవీ కావడం వల్ల భారీ బడ్జెట్తో తెరకెక్కే అవకాశం ఉంది.
