రీమేక్ సినిమాల స్పెష‌లిస్టు హీరో వెంక‌టేశ్. వేరే భాషల్లో హిట్ క‌థ‌ల్ని, త‌న‌దైన శైలిలో మార్చుకుని విజయాలు అందుకున్నాడు. తమిళ చిత్రం 'అసురన్' రీమేక్లో నటిస్తున్నట్లు ఇటీవలే ప్రకటించాడు. అయితే దర్శకత్వం వహించేది ఎవరు అనేది ఓ ప్రశ్నగా మిగిలిపోయింది. ఆ విషయాన్ని తెరదించుతూ ఓంకార్ను దర్శకుడిగా ఎన్నుకుందట చిత్రబృందం.
బుల్లి తెర‌పై యాంకర్గా కెరీర్ ప్రారంభించాడు ఓంకార్. ఆ త‌ర‌వాత ద‌ర్శ‌కుడిగానూ మారి 'రాజుగారి గ‌ది', 'రాజుగారి గ‌ది 2'తో విజ‌యాల్ని అందుకున్నాడు. ఇటీవ‌ల విడుద‌లైన 'రాజుగారి గ‌ది 3' మాత్రం నిరాశ ప‌రిచింది.
ఇంతకు ముందే ఓంకార్‌తో సినిమా చేస్తాన‌ని వెంకీ మాటిచ్చాడు. అందుకే ఈ ప్రాజెక్టును అతడి చేతిలో పెట్టాల‌ని భావిస్తున్నాడు. ఈ విషయంపై స్పష్టత రావాల్సి ఉంది.
ఇది చదవండి: వెంకీ 75.. ఇటు త్రివిక్రమ్‌.. అటు 'అసురన్'!
