ముంబయిలోని క్రూయిజ్ నౌక డ్రగ్స్ కేసులో ఇటీవల అరెస్టయిన బాలీవుడ్ స్టార్‌ షారుక్ ఖాన్ (Srk Son Bail) తనయుడు ఆర్యన్ ఖాన్కు మళ్లీ నిరాశే ఎదురైంది. బెయిల్(Aryan Khan Bail) కోసం అతడు చేసుకున్న దరఖాస్తును తిరస్కరించింది ముంబయి ప్రత్యేక న్యాయస్థానం.
అక్టోబర్ 14న ఆర్యన్(Aryan Khan Bail), అర్బాజ్, మూన్మూన్ ధామేచాల బెయిల్ పిటిషన్‌పై ఎన్సీబీ, డిఫెన్స్‌ న్యాయవాదుల మధ్య కోర్టులో సుదీర్ఘవాదనలు కొనసాగాయి. ఆర్యన్‌కు బెయిల్ ఇవ్వొద్దని ఎన్సీబీ వాదించింది. అనంతరం బెయిల్‌పై తీర్పును జడ్జి వీవీ పాటిల్‌ ఈ నెల 20కు వాయిదా వేశారు. బుధవారం మరోసారి ఈ విషయంపై విచారణ చేపట్టిన కోర్టు వారికి బెయిల్(Aryan Khan Bail)ను నిరాకరించింది.
కొద్దిరోజులగా ఆర్యన్ ఖాన్ తరచూ డ్రగ్స్ సేవిస్తున్నాడని కోర్టుకు తెలిపింది ఎన్సీబీ. కొందరు ఏజెంట్లతోనూ ఇతడికి పరిచయాలున్నట్లు పిటిషన్లో పేర్కొంది.
ప్రస్తుతం ఆర్యన్, అర్బాజ్ ముంబయిలోని ఆర్థర్ రోడ్ జైల్లో ఉండగా, ధమేచా.. బైకుల్లా మహిళల జైలులో ఉంది.
హైకోర్డుకు ఆర్యన్
బెయిల్ విషయంలో ముంబయి ప్రత్యేక న్యాయస్థానంలో ఆర్యన్ ఖాన్కు చుక్కెదురైంది. ఈ నేపథ్యంలో బెయిల్ కోరుతూ బాంబే హైకోర్టుకు పిటిషన్ దాఖలు చేశారు ఆర్యన్ తరఫున న్యాయవాది. త్వరలోనే ఈ విషయంపై విచారణ చేపట్టనుంది కోర్టు.
