బాలీవుడ్లో బంధుప్రీతి అంశం ప్రస్తుతం చర్చనీయాంశమవుతోంది. సినీ ఇండస్ట్రీలో మాఫియాపై చాలామంది విమర్శలు చేస్తున్నారు. అయితే తాజాగా దిగ్గజ సంగీత దర్శకుడు ఏఆర్ రెహ్మన్ చేసిన వ్యాఖ్యలు మరింత దుమారం రేపుతున్నాయి. తానూ ఈ మాఫియా బారినపడినట్లు వెల్లడించారు రెహ్మన్.
"కొందరు తనపై పనిగట్టుకుని తప్పుడు ప్రచారం చేస్తున్నారు. కొన్ని అవకాశాలు నా వద్దకు రాకుండా అడ్డుకుంటున్నారు. నేను తొందరగా పాటలు సమకూర్చనని.. నా వద్దకు రావొద్దని తప్పుడు ప్రచారం చేస్తున్నారు."
-రెహ్మన్, సంగీత దర్శకుడు
సుశాంత్ సింగ్ రాజ్పుత్ హీరోగా తెరకెక్కిన చివరి చిత్రం 'దిల్ బెచారా'. ఈ సినిమాకు ముఖేశ్ ఛబ్రా దర్శకత్వం వహించారు. రెహ్మన్ సంగీత స్వరాలు సమకూర్చారు. అయితే ముఖేశ్కు కూడా కొందరు ఈ సినిమా కోసం రెహ్మన్కు తీసుకోద్దని కోరారట. కానీ ఈ చిత్రానికి రెహ్మన్ అందించిన సంగీతం ప్రేక్షకుల్ని అలరించింది.
