శాండల్‌వుడ్ పవర్ స్టార్ పునీత్ రాజ్ కుమార్ తొలిసారిగా తెలుగులో తన సినిమాను విడుదల చేయబోతున్నారు. 'యువరత్న' పేరుతో రానున్న ఈ చిత్రానికి సంబంధించిన ప్రోమోను శుక్రవారం విడుదల చేసింది చిత్రబృందం. సంతోష్ అనాంద్రం దర్శకత్వం వహించారు. ఎస్‌ఎస్. తమన్ స్వరాలు సమకూర్చారు. సయేషా సైగల్ హీరోయిన్.
- " class="align-text-top noRightClick twitterSection" data="">
యాంకర్, నటి అనసూయ 'థ్యాంక్యూ బ్రదర్' సినిమాలో నటిస్తోంది. తాజాగా ఈ సినిమాకు సంబంధించిన ఫస్ట్ లుక్ శుక్రవారం.. హీరో సాయి ధరమ్ తేజ్ విడుదల చేశారు. ఇందులో గర్భిణీగా కనిపించిన అనసూయ లుక్ సినిమాపై ఆసక్తిని పెంచుతోంది. ఈ సినిమాకు రమేష్ రాపర్తి దర్శకత్వం వహించారు.
రాఘవేంద్ర వర్మ దర్శకత్వం వహిస్తోన్న చిత్రం 'బొంభాట్‌'. సుశాంత్‌, చాందిని చౌదరి, సిమ్రాన్‌ చౌదరి ప్రధాన పాత్రలో నటించారు. తాజాగా ఈ సినిమాకు సంబంధించిన ట్రైలర్ విడుదలైంది. సినీప్రియులను ఆకట్టుకునేలా ఉందీ ప్రచార చిత్రం. ట్రయాంగిల్‌ లవ్స్టోరీ కథాంశంతో తెరకెక్కిందీ సినిమా.
- " class="align-text-top noRightClick twitterSection" data="">
తన సందేహాన్ని సోషల్‌మీడియా వేదికగా బయటపెట్టి.. నెటిజన్ల నుంచి విమర్శలు ఎదుర్కొంటోంది నటి ఆత్మిక(జూనియర్ సమంత). కోలీవుడ్‌లో తెరకెక్కిన 'మీసాయి మురుక్కు' చిత్రంతో కథానాయికగా వెండితెరకు పరిచయమైన ఆమె ఆ తర్వాత పలు చిత్రాల్లో నటించినప్పటికీ విజయం కోసం ఎదురుచూస్తున్నారు. తాజాగా ఆత్మిక ట్విటర్‌ వేదికగా.. 'సినిమా పోస్టర్‌పై ఆ సినిమాలో నటిస్తున్న కథానాయిక పేరును ఎందుకు ఉంచరు? ఈ విషయం నన్ను ఎప్పుడూ ఆశ్చర్యానికి గురిచేస్తుంది' అని తన సందేహాన్ని బహిర్గతం చేసింది. దీంతో పలువురు నెటిజన్లు ఆమె ట్వీట్‌ను సమర్థించగా.. మరికొంత మంది నెగెటివ్‌ కామెంట్లు పెడుతున్నారు.
ఇదీచూడండి : సినిమా స్టైల్లో శ్రీదేవి-బోనీకపూర్ ప్రేమాయణం
