తన భార్య జయా బచ్చన్కు టన్నుల కొద్ది ప్రేమలేఖలు రాశానని, ఇప్పటికీ రాస్తున్నానని బిగ్బీ అమితాబ్ బచ్చన్ చెప్పారు. బుధవారం (నవంబరు 18) ప్రసారమైన కౌన్ బనేగా కరోడ్పతి ఎపిసోడ్లో ఓ రైతుతో మాట్లాడుతూ పై విషయాలు వెల్లడించారు.
బుధవారం ఎపిసోడ్లో మహారాష్ట్రకు చెందిన పాడిరైతు పాల్గొన్నారు. కరోనా కారణంగా తన నిశ్చితార్థం జరిగినా సరే పెళ్లి వాయిదా పడిందని అతడు తెలిపారు. ఇదే సమయంలో జయా బచ్చన్తో వివాహం ఎలా జరిగిందని బిగ్బీని ఆ రైతు అడిగారు. అప్పట్లో జయకు టన్నుల కొద్ది లేఖలు రాశానని, ఇప్పటికీ రాస్తున్నానని అమితాబ్ తెలిపారు.
- " class="align-text-top noRightClick twitterSection" data="
">
నా తండ్రి మాట పాటించాను
"1973లో 'జంజీర్' హిట్గా నిలిచిన తర్వాత కొద్దిమంది స్నేహితులతో లండన్ వెళ్లి, సెలబ్రేట్ చేసుకుందామని అనుకున్నాను. విషయం మా నాన్నకు చెప్పగా.. 'ఎవరితో వెళ్తున్నావు?' అని అడిగారు. జయ పేరు చెప్పగా.. 'ఆమెను పెళ్లి చేసుకొని తీసుకెళ్లు. లేకపోతే వద్దు' అని తేల్చిచెప్పారు. ఆ తర్వాతి రోజు ఆమెను పెళ్లి చేసుకున్నాను" అని అమితాబ్ ఆ రైతుతో చెప్పారు.
డ్రామా-థ్రిల్లర్గా 'మేడే'
అమితాబ్ బచ్చన్, అజయ్ దేవగణ్ దర్శకత్వంలో 'మేడే' సినిమా చేస్తున్నారు. ఇందులో హీరోయిన్గా రకుల్ ప్రీత్ను ఎంపిక చేసినట్లు గురువారం అధికారికంగా ప్రకటించారు. డ్రామా-థ్రిల్లర్గా ఈ సినిమా రూపొందించనున్నారు. హైదరాబాద్లో ఈ డిసెంబరు నుంచి షూటింగ్ మొదలు కానుంది.
