బాలీవుడ్ దిగ్గజ నటుడు అమితాబ్ బచ్చన్(bachchan news latest).. తన బంగ్లాల్లోని కొంత భాగాన్ని లీజుకు ఇచ్చినట్టు తెలుస్తోంది. ముంబయిలోని అమ్ము, వాట్స్ బంగ్లాలకు సంబంధించిన కొంత భాగాన్ని స్టేట్ బ్యాంక్ ఆఫ్ ఇండియాకు ఆయన లీజుకిచ్చినట్టు సమాచారం.
సంబంధిత వర్గాల ప్రకారం.. 15ఏళ్ల పాటు ఈ లీజు కొనసాగుతుంది. దీనిపై నెలకు రూ.18.9లక్షల రెంటు వస్తుంది. ఐదేళ్ల తర్వాత ఈ మొత్తం రూ. 23.6లక్షలకు, అక్కడి నుంచి ఐదేళ్లకు రూ. 29.53లక్షలకు చేరుతుంది.
గతంలో దీనిని సిటీ బ్యాంకుకు లీజుకిచ్చారు బచ్చన్. 2017లో లీజు ముగియగా.. అనంతరం బ్యాంకు స్పందించలేదు. తాజాగా.. దీనిని స్టేట్ బ్యాంకు దక్కించుకుందని తెలుస్తోంది.
ఇదీ చూడండి:- రూ.5వేల జరిమానాతో అమితాబ్ కారు విడుదల!
